174
106
23
電話號碼
26138618
營業時間
今日營業
12:00 - 20:00
星期一至四
12:00 - 20:00
星期五至日
12:00 - 21:00
以上資料只供參考, 請與餐廳確認詳情
食家推介
相關文章
榮獲「全球最佳甜點主廚」 仲被譽為係「餐飲界梵高」嘅名廚 果然唔係浪得虛名👨🏻🍳將本地飲食文化融入甜點之中 夠晒創意✨最新推出嘅童年回憶零食系列超級可愛 忍唔住要試晒佢地🥹.📌Mt. Strawberry士多啤梨山 $68細個超鍾意嘅朱古力 巨大化左 味道同賣相都神還原💓用士多啤梨朱古力包裹住綿滑雲呢拿馬斯卡彭忌廉, 新鮮士多啤梨肉, 士多啤梨果醬, 士多啤梨同朱古力海綿蛋糕 味道酸酸甜甜 配搭得好好🍓🍫.📌Muscat Grape Jelly香印提子啫喱豆 $68另一款童年必食嘅朱古力糖🥰頂層係帶淡淡果香嘅香印提子啫喱 口感似大菜糕 一咬就脆 唔係Q彈🍇椰子慕絲+椰子脆片 椰香味超出 似係用椰漿咁濃郁🥥班蘭海綿蛋糕勁清香 同椰子係最佳拍檔💚配埋66%黑朱古力外層 降低整體甜度🍫.📌Bear Cookie小熊餅 $68咁多款入面 呢個係最甜嘅 但甜度都可以接受🙌🏻Q軟朱古力皮 包裹住軟滑榛子慕絲, 香甜軟心牛奶朱古力醬, 榛子海綿蛋糕同雲呢拿牛油曲奇🍫🍪🌰榛子配朱古力一定冇得輸 不過比起熊仔餅 味道更似繽紛樂🤎.📌Haw Flakes山楂餅 $68第一次食次呢種配搭 超有驚喜 必食呀💯微酸嘅軟滑山楂紅桑子慕絲 配上爽彈香甜荔枝啫喱 兩者出奇地好夾❤️日式梳乎厘芝士蛋糕冇輕芝士蛋糕咁soft 偏實少少 更有口感 奶味同芝士味完美平衡 好食🥛🧀.📌Dominique's Cup Noodle當仔杯麵 $68造型相當精嫩 麵條係Q彈焦糖奶茶啫喱 鳴門卷係朱古力🍥下面係焦糖海綿蛋糕, 爽滑自家製冷萃咖啡啫喱, creamy港式奶茶慕絲同香脆焦糖卜卜米 口感好豐富 奶茶同咖啡味道唔會太搶 夾埋就係港式鴛鴦風味🍮☕️🧋.📌Pineapple Bun菠蘿包 $68賣相似菠蘿油多過菠蘿包🤣包身係香滑椰子慕絲 夾心係酸酸甜甜嘅菠蘿青檸熱情果醬 底層就係微脆鬆軟椰子達克瓦茲🥥以微鹹海鹽馬斯卡彭忌廉扮成牛油🧈椰子味輕輕帶過 果香較出🍍整體味道係夾嘅 但全部layer都偏甜 果醬又較酸 有少少突兀 成件事好分開🤏🏻.📌Hong Kong Milk Tea Cookie Shot港式奶茶曲奇杯 $48肉桂曲奇厚實鬆脆 但冇乜肉桂香🍪內層塗上一層朱古力 即使倒入奶茶 都唔會變淋🍫冷萃奶茶茶底香醇微甘 帶淡淡奶香 原本以為夾埋一齊會好甜膩 但完全唔會喎🧋.📌Hot Hojicha Oat Latte熱焙茶燕麥奶 $62焙茶烘焙香味濃郁 搭配燕麥奶 比起牛奶輕盈冇咁膩 口感順滑 帶淡淡麥香同奶味🌾☕️.📌Cold Americano凍美式咖啡 $40食甜品當然要配杯咖啡 酸味較重偏fruity 雖然個人更鍾情於nutty嘅苦澀 但呢款都係解膩之選☕️
繼續閱讀
多次經過當文歴餅店，據說是一間很具特色的甜品店。曾經獲得世界50大最佳餐廳「全球最佳甜點主廚」。香港分店的蛋糕造型會以傳統懷舊食品為主題。例如：小熊熊仔餅，菠蘿油，檸檬茶盒，山楂餅，草莓蛋糕以及提子朱古力糖！紙包檸檬茶伯爵茶慕絲、杏仁餅、脆片餅乾、白朱古力朋友說是必點的招牌蛋糕！我們看到很多人也會選擇這款蛋糕🍰實物精緻到不捨得吃！它是伯爵茶慕絲配上檸檬味，外皮是以朱古力組成的！完全沒有想像過有人能還原檸檬茶的樣貌！心思十足，但個人應為味道很甜，忌廉太多。不是我喜歡的味道，相反朋友卻非常喜歡。小熊餅 Bear cookie榛子幕 絲 、 軟心牛奶朱古力醬、榛子海綿蛋 糕 、 雲呢拿牛油曲奇外觀可愛，完全還原了小熊餅乾的樣貌，榛子慕絲味道濃郁，但是牛油曲奇便會容易分開，這個味道沒有什麼特別，就像是大牌子的榛子朱古力蛋糕😂Americano & 凍朱古力Americano就正常發揮啦，但係$50真係有啲貴！寧願出出邊買其他嘢飲好過。凍朱古力簡直係惡夢，佢個朱古力溝唔雲，仲有好多朱古力粉，然後好似落重料，太多朱古力粉，搞到成杯飲品杰撻撻…..最後忍唔住向職員要求攞一杯水，自己溝😵💫😵💫$60!!!!可一不可再🫤海港城海港城海運大廈地下 OT G63A 號舖
繼續閱讀
同中學同學出嚟聚會，特登搵呢一間少女味重嘅餐廳，平時經過見到排晒長龍，啲甜品做到超靚。今日終於可以嚟試一試。估唔到當文歷餅店嘅甜品真係有驚喜！棉花糖熱朱古力$68，朱古力味道濃郁得嚟！🍫🔥😍另外，沙嗲牛肉花生燒唔係一個平常嘅名字，但係食落真係出奇地好味！雖然有沙嗲牛肉同花生，但味道冇咁突出，反而兩者嘅味道係被蓋住嘅。不過，呢個組合又係好特別嘅配搭，值得一試！😋🍖🥜喺店內仲有好多特色甜品，造型精緻，完全打卡一流！每一個甜品都係一個藝術品，唔單止好食，仲好靚仔！睇落真係好想拍張相留念！📸🍰✨🍨🥢💕
繼續閱讀
以前呢間舖開張時大排長龍，今時今日開左關反而無乜人幫襯，就只有幾個人係入邊坐。買左個芒果麻糬軟包$32，食完既感覺非常失望。首先外觀上有暗綠色既元素已經變得唔吸引，應該因為想要模仿芒果形狀，但反而變得令人感覺唔想食。而麵包本身比較乾同有少少硬，而且有種被壓到變實既感覺，而且食唔出小麥同油香，麵包方面明顯比起街邊10蚊有找果d質素更差。 相信因為佢太多果醬，想要防止麵包太濕而整一個咁乾既麵包出黎。至於個餡，簡直係超求其既設計。勁大pat既果醬就咁樣塞係入邊!我覺得我好似不斷將大量果醬塞入口，個感覺超恐怖。 果醬應該係一個點綴，因為佢口味突出，但唔係香氣既來源，唔應該當奶凍咁樣食。 起碼都應該要溝落cream做餡啦，用黎分散人既味蕾對甜味既注意力，更有層次。重有啊，個餡與其叫芒果，我覺得應該叫做熱情果囉。跟著個麻糬，係完全無彈性，拉唔到絲果種，唔知道存在上有咩意義。總結就係呢個地方只係掛上一個大師名號，但出品d根本唔講究組合既成品。 唔怪得只係賣32蚊。
繼續閱讀
每次經過當文歷都好想試下佢嘅蛋糕、每款都好精緻。今次經過海港城終於貪得意買咗兩件😍✨Pineapple bun菠蘿包造型裡面係椰子mousse, 海鹽忌廉和菠蘿青檸熱情果醬，啱晒鍾意椰子嘅我😁 椰子味道較light, 吃晒成個都唔覺得膩～✨Haw Flakes山楂餅造型超可愛、簡直係神還遠🤣佢上面有層酸咪咪的啫喱、裡面係山楂梳乎厘芝士蛋糕、酸酸甜甜咁味道都可以。每季造型都好有驚喜、雖然價錢都唔平、不過以造型蛋糕來說它佢嘅味道都算係唔錯～
繼續閱讀