一品活蝦 (已結業)

位於北角嘅一品活蝦， 係香港少數用大頭蝦做料理嘅餐廳， 今次肥雞就同朋友去試下呢一間餐廳踩踩點。 蝦料理方面肥雞嗌咗兩款味道， 分別係鹽嗆蝦同埋三杯哈， 佢嘅鹽焗蝦其實係用鹽燒乾隻蝦， 所以蝦肉係比一般嘅烹飪方式實淨好多， 同時亦都將佢嘅鮮香味更加濃郁咁樣表達出嚟。 而佢嘅三杯蝦就係好適合用嚟掛汁， 九層塔嘅香味非常的出色。 肥雞都試咗佢嘅墨魚腸， 味道驚為天人， 粒粒口感分明嘅墨魚肉響口腔爆炸出香濃嘅鮮味。 再整多條目蝨魚， 配埋罐台灣啤酒， 真係非常之清爽。