影片
更多
2017-07-23
154 瀏覽
早幾日行開黃大仙，上openrice睇下有咩食，碌左幾間舖就見到呢間金記。最近呢間冰室好似幾常見到咁，上網望一望先發現原來已經有好多分店真係總有一間係附近哈哈～唔知個日咩日子，平日都可以咁多人7點幾間餐廳都滿座咁濟，2個人食飯都要同其他人一齊搭張大圓枱，傾計都要大聲D先得。朋友比較細食，所以都係叫左一個主食加2個小食咁。朋友勁鐘意食秋葵，好彩我都唔抗拒～主食方面就叫左個黑松露秋葵炒蛋飯。呢樣野都幾新穎，呢個組合都真係第一次見。本身以為係試伏系列，完全理解唔到點解朋友會想試，但係結果比我想像中夾。黑松露味唔算好濃，淡淡地嘅配埋個蛋（都炒得幾滑），非常好送飯秋葵雖然冇咩味，但佢滑潺潺嘅口感令到個餸嘅口感唔會只係得滑蛋嘅質感咁單調。雖然應該唔係傳統嘅茶餐廳野食，但都算係成功嘅創意之作原諒我食剩幾啖先醒起要影相，所以只好將僅有嘅野堆靚佢黎影另外佢跟餐叫野飲半價，所以叫左個紅豆冰share黎飲。本身想叫佢D懷舊特色飲品，但全部都貼住沽清，冇機會試睇黎應該係冇再推出，有D可惜第一個小食係冰鎮秋葵。可想而知我朋友到底有幾鐘意食秋葵我諗如果間餐廳再多幾款秋葵嘅野食，我地應該會成枱都係秋葵不過我見到同我
唔知個日咩日子，平日都可以咁多人7點幾間餐廳都滿座咁濟，2個人食飯都要同其他人一齊搭張大圓枱，傾計都要大聲D先得。
朋友比較細食，所以都係叫左一個主食加2個小食咁。朋友勁鐘意食秋葵，好彩我都唔抗拒～
主食方面就叫左個黑松露秋葵炒蛋飯。呢樣野都幾新穎，呢個組合都真係第一次見。本身以為係試伏系列，完全理解唔到點解朋友會想試，但係結果比我想像中夾。黑松露味唔算好濃，淡淡地嘅配埋個蛋（都炒得幾滑），非常好送飯秋葵雖然冇咩味，但佢滑潺潺嘅口感令到個餸嘅口感唔會只係得滑蛋嘅質感咁單調。雖然應該唔係傳統嘅茶餐廳野食，但都算係成功嘅創意之作
原諒我食剩幾啖先醒起要影相，所以只好將僅有嘅野堆靚佢黎影
另外佢跟餐叫野飲半價，所以叫左個紅豆冰share黎飲。本身想叫佢D懷舊特色飲品，但全部都貼住沽清，冇機會試睇黎應該係冇再推出，有D可惜
第一個小食係冰鎮秋葵。可想而知我朋友到底有幾鐘意食秋葵我諗如果間餐廳再多幾款秋葵嘅野食，我地應該會成枱都係秋葵不過我見到同我搭枱嘅人都有叫呢樣野，睇黎幾受歡迎(？)估唔到冰室竟然有呢款野食
呢款野食最搞笑係佢會配wasabi 同豉油比你點一開始店員放上黎嘅時候我地仲以為係比錯左，唔通間舖連壽司都有得食到底係因為我地大鄉里出城定係真係有呢種食法？可能因為我唔算係秋葵嘅狂迷，所以唔算非常欣賞呢道菜，但我不得不承認佢呢個配搭幾特別，冇咩違和感。我個fd就好鐘意食，唔聲唔聲地食左大半碟～
最後就叫左個雞肉串燒。真係不得不佩服呢間舖有咁多唔同種類嘅野食，連串燒都做埋
一碟有6串，每串嘅肉都唔細粒，除返開都幾抵食～雞肉唔會燒到好乾，而D肉本身又唔「鞋」，配埋D汁勁香朋友為左補償我唔想我只係食秋葵，所以比我食4串肥肥的由來不過食4串都係雞肉會有少少寡，如果佢可以mix晒牛豬雞就好啦！
張貼
