湯火功夫麻辣燙 (已結業)

第一次係香港可以坐底食麻辣燙，真係夢未以求。佢哋既安排好似車仔麵咁，一坐低就劃紙仔，種類同湯底都好多選擇，令人花多眼亂，因為全部都咁想食🤣另外都好適合素食人士，因為種類都超多的。我自己就叫招牌湯底，仲可以麻同辣分開揀唔同程度的，真係超細心，因為我係可辣但麻唔起。我朋友叫左蕃茄，真係有新鮮茄啊！除左湯麵，仲另一驚喜是有吐司，不過今次食返個湯麵先。麵種都好多選擇，本人偏愛薯粉多啲。不得不讚是牛肋條同豬腩，名乎其實的秘制之選，煮得入味又夠冧。另外鐘意索湯既人士，可以試下雪耳，真係第一次叫，令人回味既感覺。賣相更加係無得頂🤣下次一定會試埋其他湯底的。