金記冰室 (已結業)

朋友話試新野。。。咁就去左金記冰室... “冰室” 我會諗到既係普通茶餐廳, 點知入到去個感覺好得意, 因為環境好“企理”, 而且係有主題ga - 昔日香江 😁。 非一般的“茶餐廳”🙈🙈一坐低最吸引既係佢個menu, 真係好得意! 再欣賞埋牆上既故事, 之後就坐定定揀野飲, 好特別既飲品名同飲品! .....“唂咕”, “清香奶水”, “和尚跳海”, 牛肉汁”.... 平時唔會見到ga! 不過我唔敢試,只係要左杯凍鴛鴦😝😝 有朋友叫左杯“唂咕”, 原來係朱古力黎ga! 不過朋友話冇平時果d咁甜 , 所以覺得好好, 另外又有朋友叫左杯“牛肉汁”, (見到個名, 真心覺得恐怖！大佬, 點飲呀？！) 我膽粗粗試左啖， 又ok wor, 入口有股淡淡的药材味, 仲好香tim! 朋友話女仔飲呢d 對身體好wor...😁😁😁 而且依家冇咩地方飲到ga,所以我決定下次一定會叫杯黎試下! 😝😝講番d 食物先, 我地叫好左好幾款食物, 每碟食物賣相都一流, 特別係炸雞翼薯條, 但我覺得最好味既係煎牛扒, d 肉質好好味, 好香! 同埋茄子斑腩煲既茄子, 好“林”, 好香, 好好味, 而其他食物就