古今二 (荃灣千色匯I) (已結業)

平時去荃灣淨係識去路德圍搵野食，今次誤打誤撞去到荃新天地，搵到呢間新開張的日本餐廳。呢到主打好多店舖自創嘅食物，咁特別當然要咩都試吓。龍捲風沙律睇個名就知道好似打風咁，咩都有啲喺裏面。入面有蟹柳絲、沙律菜、蟹子、中華沙律，仲有啲脆脆喺面，撈埋嚟食口感豐富，開胃一流。野菜鍋大量不同種類的蔬菜，鍾意食素嘅不妨可以試吓。鹽燒活鰻燒得唔錯，外層皮脆得嚟又唔會太焦，內層肉質又嫩滑，加上少少檸檬汁，正！👍🏻忘不了你一款店舖自創嘅壽司卷，裏面係用炸牛肉做餡，面層有一層薄薄嘅芒果肉，加上沙律醬及芥末醬點綴，我哋就覺得幾特別幾清新，係外面其他日本食店食唔到👍🏻價錢唔算太貴，而且食物份量亦都多，食日本嘢食到悶，又想試吓新野嘅話，可以試吓呢間。