雪花和牛刺身專門店 (已結業)

香蔥吞拿魚腩卷($88)司令特別鍾情吞拿魚腩蓉，見親都要叫黎食，小卷上面有厚厚既魚蓉，加埋芝麻、洋蔥、蔥，簡簡單單已經好好食。-和牛刺身($368)叫得和牛刺身專門店，唔係唔叫和牛刺身下嘛？刺身擺盤擺得好靚，望落夠曬新鮮，食落唔會腥反而牛味幾濃，沾埋醬汁食好易入口。-長野產番薯天婦羅($78)份量未算好多，不過用上長野縣產既番薯就加返分啦🍠，因為食落去比一般食既番薯甜好多而且又綿密！番薯唔會炸得過老，外層粉團亦唔會過多，正！-牛肉火鍋($108)牛肉火鍋滾住咁上枱，見到都流口水！牛肉片鋪滿鍋面，仲有隻日本生雞蛋係面頭添😍。輕輕吉穿雞蛋，用牛肉片點少少蛋汁食已經好正！湯汁味道鹹淡適中，同場仲有大量蔬菜🌿、豆腐同粉絲，健康之選👍🏻。