影片
更多
2025-05-16
0 瀏覽
身為Mofusand 迷嘅我，一見到富山麵家有聯乘🐱🍜就即刻去試，試過兩次去到，都係平日晚上6:00-6:30時間，都已經大排長龍無緣，所以今次決定星期六一早11:00等佢開門排！等到11:45終於成功入到！仲可以試運咁多款咁靚咁可愛嘅食物，入手埋啲精品😆個人覺得比上次試大口仔拉麵嘅味道更加好～ 炸雞拼盤睇名字以為得炸雞，原來仲隱藏驚喜——兩隻金黃香脆炸蝦🍤！炸雞外皮脆口，雞肉嫩滑多汁，配埋特製醬汁，味道更豐富，炸蝦亦炸得恰到好處，而且令人諗起Mofusand嘅招牌炸蝦look😆Mofusand咖哩撈麵呢款賣相可愛到極致！中間嘅貓貓頭炸蝦帽其實係用麵包糠做成，十分精緻有趣。麵條吸收晒濃郁嘅咖哩汁，香辣惹味，味道層次豐富。不過配料比較少，只有少量秋葵同蘿蔔，主打係靚靚賣相同咖哩汁嘅出色味道。 Mofusand牛奶拉麵同之前大口仔牛奶拉麵相比，湯底依然香濃順滑，奶味十足，但今次以炸蝦為主題，湯內嘅炸蝦嫩滑又帶輕輕嘅炸香。而碗中嘅貓貓造型魚片，無論視覺效果定係口感，都令人食得開心其他甜品同飲品，例如三色芭菲、特製白桃烏龍奶茶，仲有章魚燒等，質素同之前聯乘活動保持一致，甜品控一定唔會失望～
炸雞拼盤
睇名字以為得炸雞，原來仲隱藏驚喜——兩隻金黃香脆炸蝦🍤！炸雞外皮脆口，雞肉嫩滑多汁，配埋特製醬汁，味道更豐富，炸蝦亦炸得恰到好處，而且令人諗起Mofusand嘅招牌炸蝦look😆
Mofusand咖哩撈麵
呢款賣相可愛到極致！中間嘅貓貓頭炸蝦帽其實係用麵包糠做成，十分精緻有趣。麵條吸收晒濃郁嘅咖哩汁，香辣惹味，味道層次豐富。不過配料比較少，只有少量秋葵同蘿蔔，主打係靚靚賣相同咖哩汁嘅出色味道。
Mofusand牛奶拉麵
同之前大口仔牛奶拉麵相比，湯底依然香濃順滑，奶味十足，但今次以炸蝦為主題，湯內嘅炸蝦嫩滑又帶輕輕嘅炸香。而碗中嘅貓貓造型魚片，無論視覺效果定係口感，都令人食得開心
其他甜品同飲品，例如三色芭菲、特製白桃烏龍奶茶，仲有章魚燒等，質素同之前聯乘活動保持一致，甜品控一定唔會失望～
今次利是貓貓主題嘅感覺比上次是大口仔嘅，可能因為第一造型上面已經更加可愛真係做得幾靚，第二就係佢個拉麵味道好似進步咗冇之前咁淡口～
張貼
