金園韓國餐廳 (已結業)

我尋晚悶悶地去咗九龍城食飯 拍低架車行下行下都唔知食咩好 到最後不如去食靚靚韓國老闆娘嘅韓國菜啦 老闆娘好有氣質好靚女有笑容又有禮貌 我哋叫咗幾樣嘢食同埋飲韓國啤 炸雞脆口味道好亦都新鮮 豆腐湯味道啱啱好不太辣海鮮也新鮮 至於個紫菜卷飯亦都非常好食 飲埋韓國啤酒 夠冰凍 當然好飲啦 兩個人食到好飽 都係三百靚蚊 連佢哋個洗手間都夠清潔非常好 唯一就係地方比較淺窄同埋枱都非常細張 因為佢係小店 所以都冇辦法 呢間鋪頭我都去過10次八次食飯 食物服務水準都非常穩定 大家不妨一試