拾伍 (已結業)

最近多咗去啲文青打卡點，今日來到中上環嘅鴨巴甸街15號，間舖頭名就叫『拾伍』，而且今日的日子又係15號，好啱吖。一棟3層高的樓，出邊睇好有型格，門口位亦好靚，到我離開時已有人坐咗，事關入邊已full。午餐有6，7樣選擇，漢堡，飯，沙律，輕食都有，我們的選擇係『宮崎南蠻炸雞弁當』同埋『日式咖喱牛肉盒子』，上枱時好驚豔，係用D日式花布包裹住两個弁當盒，筷子就夾喺度，我嗰個入邊有2舊大飯糰，流心蛋同好多件炸雞，外脆内嫩，同時亦有芽菜等配菜，唔會太單一; 朋友嗰份佢就話咖喱汁好味唔辣。而佢嘅dirty coffee同埋我嘅冰糖洛神杞子茶都唔錯吖。