影片
更多
2023-03-10
43 瀏覽
開關後，尖沙咀又見返人潮，星期六傍晚約朋友輕食傾計，搵咗間環境氣氛唔錯嘅餐廳：Room 3地點好就腳，响尖沙咀喜來登酒店旁邊嘅H Zentre，原來都有好多唔同嘅食肆Room 3响2樓，經過用竹造成嘅通道進入餐廳，感覺非常舒服，樓底又高，燈光柔和，仲有一片大落地玻璃。被安排到吧枱位置，可以睇到餐廳藏酒量非常豐富。而餐廳出名嘅係雞尾酒：侍應介紹咗 Jungle Cat，甜酸味好balance，仲有少少辣粉及黑胡椒，酒味唔濃易入口朋友叫咗杯Uisuki，係以威士忌作酒底，有香料嘅辛香及木味，唔太甜，幾討好食物方面主打日式串燒及丼飯，我哋揀咗蘋果豬肉卷，豬肉油脂豐富，日本蘋果嘅酸甜正好Balance咗油膩感燒牛脷，用最靚嘅牛舌心爽脆，油香豐富燒白鱔，皮脆肉爽，配酒一流免治雞肉串配溫泉蛋，雞肉入面混入咗雞軟骨，增加口感，溫泉蛋嫰滑有蛋香食到咁上下，再飲多杯 The Fiction，甜味適中，滲有微微香檳嘅酒味，再加上上枱嘅儀式感，贏哂朋友再嚟一杯Hi Ball Imperial，有日本威士忌加菠蘿汁柚子汁，再落少少紅酒，感覺清新，顏色又靚最後叫多兩個丼飯作結：汁燒鹿兒島和牛丼，有大大片和牛三件
地點好就腳，响尖沙咀喜來登酒店旁邊嘅H Zentre，原來都有好多唔同嘅食肆
Room 3响2樓，經過用竹造成嘅通道進入餐廳，感覺非常舒服，樓底又高，燈光柔和，仲有一片大落地玻璃。被安排到吧枱位置，
可以睇到餐廳藏酒量非常豐富。
而餐廳出名嘅係雞尾酒：侍應介紹咗 Jungle Cat，甜酸味好balance，仲有少少辣粉及黑胡椒，酒味唔濃易入口
朋友叫咗杯Uisuki，係以威士忌作酒底，有香料嘅辛香及木味，唔太甜，幾討好
食物方面主打日式串燒及丼飯，我哋揀咗
蘋果豬肉卷，豬肉油脂豐富，日本蘋果嘅酸甜正好Balance咗油膩感
燒牛脷，用最靚嘅牛舌心爽脆，油香豐富
燒白鱔，皮脆肉爽，配酒一流
免治雞肉串配溫泉蛋，雞肉入面混入咗雞軟骨，增加口感，溫泉蛋嫰滑有蛋香
食到咁上下，再飲多杯 The Fiction，
甜味適中，滲有微微香檳嘅酒味，再加上上枱嘅儀式感，贏哂
朋友再嚟一杯Hi Ball Imperial，有日本威士忌加菠蘿汁柚子汁，再落少少紅酒，感覺清新，顏色又靚
最後叫多兩個丼飯作結：汁燒鹿兒島和牛丼，有大大片和牛三件，汁燒特別香，送飯一流
生薑日本豚丼，豚肉肥瘦適中，輕輕嘅薑味癖咗啲豬騷味，幾好食
餐廳做一個可以5秒就Chill 凍隻杯及消毒嘅儀器，Chill完之後杯身仲唔會有霧氣，幾特別
餐廳走輕鬆酒吧輕食路線，但難得食物質素亦高，以後尖沙咀又多個飲酒吹水好去處😘
張貼
