牛繁 (MW Plaza) (已結業)

超鐘意食牛肉既我，又忍唔到口威迫利誘減緊肥既男朋友帶我去食燒肉啦！呢間牛繁唔算好近地鐵站，不過都算易搵，一去到店員已經提議我地將外套同隨身物品鎖係locker,咁件外套就唔洗索哂d油煙味啦！好貼心！首先講下呢到既牛肉！霜降牛五花份量都幾多，兩個人食夠哂肉質真心好靚，油脂分布平均，用左醬油醃製，個人覺得加少少鹽燒會更香口！蔥燒鹽香牛舌薄切牛舌上面沾左鹽醬，將兩面燒香，再係上面加埋香蔥卷住一齊食，口感好豐富好正，必點！牛胸腹個樣望落唔算好吸引，但點知呢碟牛胸腹成為左我既至愛！因為佢既牛味好濃，口感係偏向有咬口，令我忍唔住要encore!食左咁多靚牛之後我地仲點埋其他肉類試一試！雞腿肉用左檸檬汁調味，酸酸地幾開胃！肉質都滑，唔錯！豬五花應該係用左燒肉汁醃製，味道偏甜，個人都係比較偏好鹽醬多d!大食既我地仲點左溫泉蛋飯，夠哂飽肚！而飲品方面就點左提子梳打同檸檬梳打，配燒肉一流！總括黎講，牛肉都係靚料，而且價錢適中，呢個質數係值得既！