南大門

營業中

休息中

同一大班同事相約鯉魚門食海鮮🦞係觀塘買定新鮮海鮮入去俾餐廳烹調🤤🤤我地book左樓上室內 因為當天驚會落雨 但39號房呢間室內都可以睇到海景😍 而且招待我地嘅英姐服務態度又好 上菜又快 真係唔可以唔俾個like👍🏻上菜黎個象拔蚌刺身 非常新鮮😍豉椒炒蟶子大大隻 個汁好惹味🤤蒜蓉蒸扇貝勁香 粉絲索哂d汁 扇貝又大隻 唔會煮得太耐而韌哂😍椒鹽鮑魚好夠味 鮑魚好有口感 啖啖肉🤤仲有個芝士焗龍蝦🦞睇見已經流哂口水 配埋下面d依麵 正😆😆 龍蝦大大隻非常肥美🤤炸蠔炸得金香可口 外脆內軟😍炒斑腩好夠穫氣 仲有其他都好好食😍食完仲有南瓜薏米糖水 甜度剛好 配埋薏米口感豐富🥰