影片
更多
2020-09-14
570 瀏覽
之前購物攞咗好多海港城嘅餐飲現金券，於是就揀咗一間有參與優惠，比較有人氣嘅餐廳嚟試吓。見到呢間西餐平時都唔係平，又有大海景，評論好似OK咁，所以抱住試吓嘅心態嚟食飯。總共叫咗兩個前菜，兩個主食，一個甜品。前菜: 紅蝦沙律呢個係waiter強烈推薦，但就講到明紅蝦唔係新鮮。賣相黎講幾吸引，食落去味道都OK。沙律醋有一陣好decent既香味，唔會太酸。牛油果大概得三片左右，份量唔多。另外紅蝦兩隻，仲有少少蝦肉，個比例都合理嘅。總體來講不過不失，唔係超好食，算係正常水準。前菜: 迷你八爪魚🐙本身見過有人推薦地中海八爪魚沙律，初初喺Menu睇唔到，所以就叫咗呢個。迷你八爪魚係用自製茄醬伴碟，唔係特別爽口，加咗少少沙律菜同埋麵包脆片，味道還可以。之後就黎到主食，本身睇過其他人嘅食評都話唔錯，但係老實講今次真係有啲失望。waiter同我哋講，原來secret menu上係有紅蝦意粉，但因為我哋前菜已經嗌左紅蝦，所以冇推薦俾我哋。最後我哋就嗌左一個白酒蜆肉意粉，同埋一個蕃茄海鮮飯。主食: 白酒蜆肉意粉呢個真心唔好食，都唔明點解其他人會推介。啲意粉食得出係同出邊嘅唔同，較粗身同埋有口感，但係成碟意粉係
總共叫咗兩個前菜，兩個主食，一個甜品。
前菜: 紅蝦沙律
呢個係waiter強烈推薦，但就講到明紅蝦唔係新鮮。賣相黎講幾吸引，食落去味道都OK。沙律醋有一陣好decent既香味，唔會太酸。牛油果大概得三片左右，份量唔多。另外紅蝦兩隻，仲有少少蝦肉，個比例都合理嘅。總體來講不過不失，唔係超好食，算係正常水準。
5 瀏覽
0 讚好
0 留言
前菜: 迷你八爪魚🐙
本身見過有人推薦地中海八爪魚沙律，初初喺Menu睇唔到，所以就叫咗呢個。迷你八爪魚係用自製茄醬伴碟，唔係特別爽口，加咗少少沙律菜同埋麵包脆片，味道還可以。
5 瀏覽
0 讚好
0 留言
之後就黎到主食，本身睇過其他人嘅食評都話唔錯，但係老實講今次真係有啲失望。
waiter同我哋講，原來secret menu上係有紅蝦意粉，但因為我哋前菜已經嗌左紅蝦，所以冇推薦俾我哋。最後我哋就嗌左一個白酒蜆肉意粉，同埋一個蕃茄海鮮飯。
主食: 白酒蜆肉意粉
呢個真心唔好食，都唔明點解其他人會推介。啲意粉食得出係同出邊嘅唔同，較粗身同埋有口感，但係成碟意粉係完全一滴汁都冇嘅。意粉非常乾身，而且冇白酒味，都唔知係咪個廚房唔記得咗落番啲汁就上咗菜。另外個蜆肉唔新鮮，有少少沙，冇咩鮮味都冇咩白酒味。呢個真係唔推薦。中伏。
7 瀏覽
0 讚好
0 留言
主菜: 蕃茄海鮮飯
呢個賣相還好，但都稱唔上好好食。我懷疑廚房好似唔記得咗落鹽😅個飯口感還可以，個汁有少少茄味同埋奶油味，就係冇鹹味，所以整體來講非常之淡口，唔會話食完有好滿足嘅感覺。海鮮就一般啦，好明顯係冰鮮嘅，冇醃製過，冇鮮味，唔好expect會好好食。
22 瀏覽
0 讚好
0 留言
甜品: 朱古力心太軟配雲呢拿雪糕
甜品可能係成餐最好食嘅，心太軟質感做得好好，流心效果唔錯，皮薄餡靚。食得出朱古力係靚嘅，味道非常濃郁，比出邊甜品舖做得好。雲呢拿雪糕都非常細緻，口感好滑，冇咩冰渣。但當然佢呢一個心太軟比出邊嘅定價貴好多。
6 瀏覽
0 讚好
0 留言
兩個人食晚飯，用完現金券都要900幾蚊買單。我覺得就算有coupon都唔係真係好抵食，呢間餐廳真係食靚海景。前提係你要預訂海景枱，如果唔係都未必會比到張好嘅枱你。
結論: 食物質素唔值咁貴，食材都唔係特別靚。唯一係甜品好少少。呢個價錢如果想食好嘢，出邊有大把餐廳可以選擇。但係如果純粹係想打個卡影吓相嘅，都可以黎試吓嘅。
張貼
