SHAKE SHACK (國際金融中心商場)

其實喺呢度食過幾次，因為佢個景真係好靚，所以係值得再次嚟到食嘢。

佢嘅漢堡包每次嚟食都保持水準，芝士薯條非常好味，佢不同口味嘅奶昔更加唔使講。

今次我都係嗌返佢最出名嘅漢堡包，保持水準，好好食。薯條亦非常不錯，今次嗌咗一杯芋頭奶昔，道唔算太甜，非常好飲，平時我多數嗌朱古力奶昔，試吓唔同口味，體驗也相當不錯。

點解會嚟食幾次呢間店，因為佢喺店外有露天位置，天氣涼涼哋嗰陣可以揀戶外位置，因為可以望到好靚嘅海景，其實呢間餐廳仲可以嗌啤酒飲，所以喺度食晚餐，食物+美景係相當唔錯㗎。