Sky726

呢間Sky726淨係個view都贏左，一望到個大玻璃窗都即刻覺得心曠神怡🏙可以俯瞰香港呢個城市，發現，香港真係好靚。呢度嘅食物質素都好高，比到我好大驚喜。濃郁奶油蠔湯伴魚子醬($90)奶油蠔湯非常creamy濃郁，蠔味好突出好重，甘香清甜，啖啖鮮味但一啲都唔會腥，伴上油香十足帶有淡淡咸味嘅魚子醬，口感層次再豐富左。我願意花$90去飲呢個湯😋香煎蟹餅伴藜麥蒜泥蛋黃醬($138)外層鬆脆入裏淡淡蟹味慢慢散發出黎，材料好足料，蟹味好鮮，煎得啱啱好，醬汁好特別，亦都好match, 酸酸地好有層次，擠檸檬個器具好細心，唔洗整污糟雙手，擺盤亦顯盡心思。慢煮黑毛豬鞍扒配意大利黑醋汁及牛肝菌醬(1 Pc:$188, 2 Pcs:$358)今次食嘅黑毛豬唔係純粹質地好淋，而係有少少爽口，油脂分布平均個種入口即融，油香口足，真係好juicy，諗起都流番口水🤤調味都係恰到好處，我淨係叫左1Pc，點知份量都幾大，而且好厚身。牛肝菌醬非常香濃，原來牛肝菌被意大利人視為菇菌嘅top幾，有著獨特嘅氣味，非常珍貴同具營養價值🤫呢個醬將牛肝菌嘅優點帶晒出黎，伴黑毛豬非常美味😋飲品方面叫左杯Wild Rose($88)有