南大門

營業中

休息中

由於我地屋企係賣海鮮，所以老爸時不時都會自己拎海鮮去加工，而老爸如果要應酬都會選擇去南大門，皆因真係煮得好!是晚又係老爸應酬日，我又跟埋去痴餐開餐前睇睇個靚景先，望住海食飯加日落，一流以下海鮮都係自己帶過去，其實鯉魚門牌坊一入都有好多海鮮檔，大家不妨睇睇。1)加拿大象拔蚌刺身2)澳洲龍蝦刺身3)凍食松葉蟹我地會覺得熱食好食啲，凍食既話可以問佢拎啲紅醋個味好夾4)蘇格蘭大蟶子 豉汁炒 佢地煮得好好，好爽口5)紅燒鮑魚，鮑魚只係扣左一日唔夠，扣多兩日會好好食，如果大家係有重要飯局/應酬，可以提前兩日拎隻鮑魚比佢地扣6)薑蔥炒龍蝦 米粉底龍蝦係用刺身個龍蝦既頭尾黎炒，值得一讚既係個米粉底，真係做得好好食，老爸每次黎都要佢地整米粉底，而且讚不絕口7)最後就係一魚兩食，呢到係兩條魚，其實食到魚都已經好飽，一個係薑蔥粉，魚皮仲係好爽脆，另一個似係半煎炸，我地就鐘意半煎炸個煮飯多啲今次埋單就唔知道幾錢，但如果平時去食，記咁嗌或者自己帶野去加工，應該都6-7百一個人左右。