心鉄板燒 (已結業)

放假有時間可以同朋友慢慢一邊享受美食，一邊吹下水，加埋個靚景，真係一流。就好似今次黎呢間心鉄板燒，雖然冇坐鐵板位，但對住個海景一樣梳芙。我地兩個人，一個叫自選，一個叫大蝦銀鱈魚果個套餐。首先黎個沙律清新下，配芝麻醬係開胃之選 芝士春捲新鮮炸起，加埋沙律醬一齊食簡直一流 是日鮮魚係秋刀魚外皮燒得香脆，放入口充滿油脂嘅香味 大蝦非常有鮮味，亦都好彈牙 銀鱈魚非常嫩滑，啖啖肉，配埋沙律醬可以提鮮 黑毛和牛非常juicy，配上岩鹽又或者wasabi，更加可以帶出濃郁肉味 飲碗湯暖一暖胃，繼續食 呢個炒飯非常不得了，超級好食，有魚乾喺入面完全 提升曬成個炒飯 食番個炒野菜均衡營養 最後加上 岩鹽雪糕做甜品，完美作結