影片
更多
2021-03-19
70 瀏覽
天后又有新食廈～今次試下新開嘅高檔日本菜。餐廳位於26樓，享盡無敵維港景。🌸Omakase 初春 $1080季節沙律🥢前菜🥢白身魚薄切🥢刺身5種🥢和食一品🥢壽司5貫🥢味噌湯🥢紫菜烏冬（細）🥢甜品廚師先奉上沙律、前菜。番茄沙律以土佐醋輕輕調味，反而帶出番茄嘅清甜。瑩光魷魚彈牙鮮甜。酸味噌以檸檬、醋、蛋黃調製而成。果香十足而鮮甜開胃。蟹膏豆腐質地結實，蟹膏味道唔算好濃郁但鮮味。石鯛刺身配上紫蘇花，鮮味甘甜又帶少許清香。接着到五款刺身，分別係帶子、魴鮄、大拖羅、油甘魚、粒貝。帶子口感彈牙，配上少許青檸汁更顯得鮮甜。魴鮄包起芽蔥、紫菜醬。魴鮄同紫菜嘅鮮味各有不同，加埋唔辣嘅芽蔥，味道溫和鮮美。大拖羅油香十足，反而油甘魚更肥美，可以稱得上入口即溶。接住到熟食 — 紅酒煮牛小扒。牛小排煮得軟腍多汁。醬汁味道以日本醬油、味醂為主，再加上少許洋蔥嘅甜味。採用汁煮而非長時間燉煮，保持咗牛小扒嘅味道同肉質。品嚐過熟食就到壽司。五貫分別係伊佐木、醋鯖魚、吞拿魚醬油漬、間八、海膽。鮮甜彈牙嘅伊佐木配上wasabi同萬能蔥。間八佐以梅醬、紫蘇葉。每款都別出心裁。醋鯖魚鮮味得出奇。來自北海道根室嘅海膽極鮮甜。味噌
🌸Omakase 初春 $1080
季節沙律🥢前菜🥢白身魚薄切🥢刺身5種🥢和食一品🥢壽司5貫🥢味噌湯🥢紫菜烏冬（細）🥢甜品
廚師先奉上沙律、前菜。番茄沙律以土佐醋輕輕調味，反而帶出番茄嘅清甜。瑩光魷魚彈牙鮮甜。酸味噌以檸檬、醋、蛋黃調製而成。果香十足而鮮甜開胃。蟹膏豆腐質地結實，蟹膏味道唔算好濃郁但鮮味。
石鯛刺身配上紫蘇花，鮮味甘甜又帶少許清香。
接着到五款刺身，分別係帶子、魴鮄、大拖羅、油甘魚、粒貝。帶子口感彈牙，配上少許青檸汁更顯得鮮甜。魴鮄包起芽蔥、紫菜醬。魴鮄同紫菜嘅鮮味各有不同，加埋唔辣嘅芽蔥，味道溫和鮮美。大拖羅油香十足，反而油甘魚更肥美，可以稱得上入口即溶。
接住到熟食 — 紅酒煮牛小扒。牛小排煮得軟腍多汁。醬汁味道以日本醬油、味醂為主，再加上少許洋蔥嘅甜味。採用汁煮而非長時間燉煮，保持咗牛小扒嘅味道同肉質。
品嚐過熟食就到壽司。五貫分別係伊佐木、醋鯖魚、吞拿魚醬油漬、間八、海膽。鮮甜彈牙嘅伊佐木配上wasabi同萬能蔥。間八佐以梅醬、紫蘇葉。每款都別出心裁。醋鯖魚鮮味得出奇。來自北海道根室嘅海膽極鮮甜。
味噌湯味道唔太鹹，配上各式蔬菜味道清甜溫和。紫菜烏冬嘅烏冬夠彈牙。
最後到甜品焦糖燉蛋。燉蛋香滑又有好重雲尼拿味。
張貼
