101手工涮涮鍋 (金朝陽中心二期 - Midtown)

營業中

休息中

101手工火鍋座落於銅鑼灣商厦29楼全層, 裝修時尚, 最靚係無敵夜境, 認真寫意。火鍋套餐無時限, 今次選擇了酸菜白肉鍋做湯底, 有紫色洋蔥,豆卜,鹹肉, 蕃茄及酸菜等等....材料豐富, 味美。西班牙黑毛豬肉片 放在湯一兩分鐘就食得,味道鮮甜嫩滑,肉味濃, 二人份量啱啱好。101手工拼盤, 有多款特式丸子, 芝士蝦丸、墨丸 丶豚肉丸, 粒粒都包住流心芝士,非常彈牙, 不過小心辣親個嘴! 墨魚汁鳥結糖 用黑墨汁墨魚膠造成小長方形狀鳥結糖, 非常有咬口, 而墨魚味又鮮。 太極冬菇係把黑墨魚膠及雪白蝦膠釀入冬菇, 造成太極圖案,非常有新意!台式滷水拼盤, 有鹵水豬耳、腎片、大腸、牛肚、雞翼及鹵水蛋等等 其實拼盤已經煮熟, 只要拖落熱湯就食得! 味道G味, 喜愛食鹵水食品 必食之選!如果仲覺得肚子餓, 可以追加menu 再點配料繼續食及繼續order免費啤酒飲品, 無限量供應, 一邊食一邊欣賞夜景, 五光十色, 真係酒不醉人 人自醉。