影片
更多
2023-04-23
381 瀏覽
好朋友升職請食飯，揀咗海港城呢間有海景環境最好舒適雅致嘅中菜！仲專登book咗窗口位，望住維港食飯，心情都特別靚！酒香生炸妙齡鴿外層炸得脆香，內裏多汁，肉質仲好嫩滑，水準都幾高！金絲麥香本地龍蝦賣相相當澎湃，金黃色嘅脆麥散發啖啖香氣，包裹着厚肉龍蝦，呢個煮法相當有新意！龍蝦好新鮮彈牙，每啖都食得好滋味！宮廷蜜汁烤排骨用上刀叉食用嘅烤排骨，好有中西合璧嘅感覺！肉質夠腍，蜜味幾香甜。配試旁邊嘅蕃茄增添清新味道！欖豉醬爆象拔蚌象拔蚌好爽口，第一次食用欖豉醬爆炒嘅象拔蚌，鑊氣十足，味道都唔錯！ 惹味得來仍能保留到象拔蚌嘅鮮甜，味道相當唔錯。桂花鵝肝牛鬆炒飯用鵝肝抄飯真係非常邪惡，食落每口都係濃香嘅鵝肝味，勁正！炒飯本身都做得好好，粒粒分別，非常滿足！甜品點左玫瑰棗皇糕，賣相非常精緻，一朵朵玫瑰花型，靚到唔捨得食！棗皇糕質地煙韌有彈性，味道都幾濃，呢個甜品為今晚完美作結！
仲專登book咗窗口位，望住維港食飯，心情都特別靚！
酒香生炸妙齡鴿
外層炸得脆香，內裏多汁，肉質仲好嫩滑，水準都幾高！
金絲麥香本地龍蝦
賣相相當澎湃，金黃色嘅脆麥散發啖啖香氣，包裹着厚肉龍蝦，呢個煮法相當有新意！龍蝦好新鮮彈牙，每啖都食得好滋味！
宮廷蜜汁烤排骨
用上刀叉食用嘅烤排骨，好有中西合璧嘅感覺！肉質夠腍，蜜味幾香甜。配試旁邊嘅蕃茄增添清新味道！
欖豉醬爆象拔蚌
象拔蚌好爽口，第一次食用欖豉醬爆炒嘅象拔蚌，鑊氣十足，味道都唔錯！ 惹味得來仍能保留到象拔蚌嘅鮮甜，味道相當唔錯。
桂花鵝肝牛鬆炒飯
用鵝肝抄飯真係非常邪惡，食落每口都係濃香嘅鵝肝味，勁正！炒飯本身都做得好好，粒粒分別，非常滿足！
甜品點左玫瑰棗皇糕，賣相非常精緻，一朵朵玫瑰花型，靚到唔捨得食！棗皇糕質地煙韌有彈性，味道都幾濃，呢個甜品為今晚完美作結！
張貼
