尚上下夏 - 養生雞煲火鍋 (已結業)

朋友推薦左呢間中價火鍋雞煲，我一於試試，睇下係咪咁正先。店內裝修走懷舊風，摺枱摺椅，懷舊海報，真係好有奇哥年代感覺。食材選擇好多，價錢係中上路線。如果兩個人食，呢個二人套餐都幾抵。開餐前店員會提供調味架到桌上。四川麻辣鴛鴦鍋，個四川麻辣好地道，夠晒麻，如果食得辣既，可以叫店員再加架。麻辣鍋緊係要叫索汁既配料啦。豬皮好乾淨，無毛架，又夠厚身。鵝腸又爽又大條，伴住少許既油脂，滾熟左又唔會縮到勁細條，正！萵筍翠綠色好新鮮，又爽又清甜。頂級花腩片，雪花分佈好平均，就算熟過頭都唔會變韌。脆肉鯇魚腩，全部厚切，爽口鮮甜，連魚皮都脆架。