和牛燒肉一郎 (新都城中心二期) (已結業)

已經有一段時間冇食燒肉放題，好掛住個味道，知道寶琳開左間食和牛放題燒肉餐廳叫和牛燒肉一郎，就第一時間去試下。今次order左B餐，有7款牛，包括一口牛、牛肋條、牛外橫隔膜、牛肋肉、里脊肉、熟成壺漬牛外橫隔膜醃漬牛肋肉。另外仲有豚肉4款、雞肉2款及海鮮2款，且有多種蔬菜及熟食等等。各款牛都好好味，牛肉香濃，油脂分佈平均，燒過後點埋特製燒肉汁食滋味無窮。仲有豚肉及雞肉都好嫩滑，而其他例如豚肉腸、海蝦、秋刀魚、天婦羅、泡菜等都好值得推介，自助沙律吧嘅沙律亦多選擇及新鮮，多款特飲任君選擇，最後食埋來自日本嘅雪糕雪條，大滿足嘅一餐。