小老板 (太安樓)

營業中

休息中

小老板本身係炮台山已經係一間出名又平又好食嘅上海點心外賣小店，依家佢終於嚟咗太安樓開分店！新分店超多人排隊買嘢食，我都跟著排買咗必叫嘅生煎包同鍋貼，仲有小籠包同紅油抄手。店員全部都好努力咁係舖頭入面即叫即整，又搓麵團又煎點心。當中我最鍾意食嘅係小籠包，包得好靚，平薄餡靚又有湯汁，依個價錢食到咁高質嘅小籠包真係好抵。鍋貼同生煎包個底都脆卜卜，好香口又足料。紅油抄手唔係好辣，個汁偏酸辣，有好多蔥花係上面，雲吞包得漲卜卜。除咗點心佢仲有上海面食，相信佢會變成我成日食嘅飯堂。