霸嗎拉麵 (已搬遷) 新店位置

近排食得太多西餐，於是轉下口味，今日決定食日式拉麵。來到銅鑼灣登龍街，日式餐廳林立，左揀下右揀下，同事留意到霸嗎拉麵是自家制麵，感覺幾特別，加上門面吸引，二話不說入去試一試。食客點菜都係用紙剔選，並可選擇麵的硬度，更可少油少葱走葱走荀。午飯時段更可用加$12享用羽根餃子或唐揚炸雞，唔執輸嘅我哋當然分別order 一客餃子及炸雞先來雞义燒味肉雞白湯拉麵，雞肉圓圓地，很似平時食開的日本义燒，咬落肉質鬆軟有雞味。麵質彈牙有嚼勁，掛湯能力一流。湯底是比較特別的雞湯，咸咸地幾清甜有鮮雞味。同事點的是炙燒豚肉味玉拉麵，豚肉望落很厚切，賣相吸引。有點想試這個拉麵，唯有下次再試啦~羽根燒餃子，底部煎得香脆，菜肉比例均分，食完5隻都唔太夠喉。唐揚炸雞，雞肉大大件，沾上檸檬汁更為醒胃。時值午飯時段，越接近1點，就越多上班族來吃拉麵，餐廳內人頭湧湧，能夠在登龍街一帶搶到咁多客源，屹立不倒，完全不失一點霸氣！