影片
更多
2011-01-12
82 瀏覽
近期網上d 朋友成日都講, 九龍灣德福開左間日式燒肉店, 日日都好多人排隊, 5點幾去排籌9點幾都無得食, 訂台要3個星期前, 嘩..呢種情況好似多年前o既板x壽司咁, 既然係咁, 一於的起心肝搵多幾個friend去試試佢..5點15分到場, 可以開始排隊, 我地排第二, 排隊只供攞籌, 5點45分, 後面已經二三十人, 果然名不虛傳, 5點55分, 後面有成40幾人了, 6點正前, 開始安排入場, 侍應相當有禮貌, 問我地幾多位, 我同我朋友當時都好擔心, 驚未齊人唔比入(兩個人拎9人台), 不過佢地又真係好nice咁講, 請入黎..入到去, 間格鬆動唔迫, 燈光柔和, 全店完全無煙味, 冷氣十足 , 台椅爐頭地板相當清潔, 加上侍應完全唔急並面帶笑容, 使食客有一種親切感覺..望望個錶..6點10分, 咁早竟然有咁多人食晚餐, 企起身周圍望望先, 原來好多人都係一個排隊, 先霸台再等朋友, 所以6點半前都唔多覺有人order 食物燒烤, 由於我d朋友都未黎, 於是就開始order小食..辣油豆腐 -- menu得兩款 (叫晒兩樣..) 兩個汁都ok, 不過感覺似百福豆腐加d汁, 貴
5點15分到場, 可以開始排隊, 我地排第二, 排隊只供攞籌, 5點45分, 後面已經二三十人, 果然名不虛傳, 5點55分, 後面有成40幾人了, 6點正前, 開始安排入場, 侍應相當有禮貌, 問我地幾多位, 我同我朋友當時都好擔心, 驚未齊人唔比入(兩個人拎9人台), 不過佢地又真係好nice咁講, 請入黎..
入到去, 間格鬆動唔迫, 燈光柔和, 全店完全無煙味, 冷氣十足 , 台椅爐頭地板相當清潔, 加上侍應完全唔急並面帶笑容, 使食客有一種親切感覺..
望望個錶..6點10分, 咁早竟然有咁多人食晚餐, 企起身周圍望望先, 原來好多人都係一個排隊, 先霸台再等朋友, 所以6點半前都唔多覺有人order 食物燒烤, 由於我d朋友都未黎, 於是就開始order小食..
辣油豆腐 -- menu得兩款 (叫晒兩樣..) 兩個汁都ok, 不過感覺似百福豆腐加d汁, 貴左d..
麻香椰菜 -- 半個細椰菜加小小麻油同味粉, 收你19蚊..味道尚可但收你19蚊, 偏貴..
牛角沙律 -- 有d蛋..薯仔之類, 屋企都整到..普通..
我地等到7點先齊人, 無一個侍應會黑面或令你有不耐煩感覺, 服務態度真係值得嘉許!!!
開始order烤肉, 因為menu上肉類選擇唔多, 而我地有9個人, 基本上大部份都叫黎試..
牛 -- 咩腹胸肉, 上肋肉, 一口牛..(全部都算好食, 不過入口硬係無果種驚訝感覺..)
柏業 -- 燒得耐好硬, 燒唔耐驚唔熟..(好難燒..無特別)
肝 -- 可接受
腸 -- 有雪味同內臟味..(加埋胡椒都係咁) 唔得
豬頸肉 -- 有滝過, 無特別
雞肉 -- 呢個有d驚喜, 值得一試..不過都係偏咸
銀雪魚 -- 好細舊, 用錫紙包住焗燒, 無晒燒烤味..
牛舌 -- 一般燒烤牛舌
雜菜 -- 都係用錫紙包住煮..同bbq冇分別
食完一輪, 好似無咩落肚咁, 叫d飯面試試..
冷面 -- 唔夠凍..唔好食..
湯面 -- 勁快吸晒d湯, 好快淋晒..唔好食..
牛角飯 -- 紫菜燒汁+飯 --貴左d又無咩特別
溫泉玉子飯 -- 多左隻蛋..又貴又冇特別..
辣豆腐湯 -- 有d蜆同豆腐, 好似有d泡菜煮湯, 味道唔錯..
又食完一輪, 都無咩好試..未飽架..不過都叫甜品
銅鑼燒 -- 侍應換個隻碟比你燒..服務真係好, 一面燒十秒, 燒餅內有雪糕, 有卓頭但食落一般
牛角雪糕 -- 有d木康響面..一杯雪糕囉
叫左幾杯飲品 -- 好多都有酒精成份..仲要冇中文..淨日文同英文...飲完唔知飲咩..
全晚每人250蚊
總結, 雷聲大雨點小, 唔係唔好食不過無特別, menu選擇又小, 如果要等3幾個鐘真係唔值..而且份量細, 食極唔飽..最值得一讚係服務態度, 每位員工都相當有禮貌同耐性, 又無黑面, 又無趕客感覺, 食客等人又得, 慢慢食又得, 仲要每款食物都會介紹一下點燒法,呢樣野值得一讚
!!
張貼