牛角日本燒肉專門店 (德福廣場2期)

營業中

休息中

約咗幾個friend去街街之後去牛角聚餐，一坐低即刻感受到燒肉香味，大家都超期待🔥！叫咗二人餐，肥牛、豬頸肉、雞軟骨樣樣有，仲可以自己燒超過癮。最推介佢哋嘅牛舌，薄切燒到微焦最正，蘸埋柚子醋汁，唔膩又開胃。仲有叫咗少少蔬菜燒，蔬菜都好新鮮。每樣食少少其實都幾飽，燒下食下傾下計時間就好快過。座位夠大唔會逼，店員落單後上肉都幾快。價錢合理，真係食到捧住個肚走。聚會好地方，已經講好下次再嚟🔥！！！！

今次兩個人去咗「牛角日本燒肉專門店」食單點，冇揀放題，果然有驚喜！🔥 叫咗兩個牛拼盤，啲肉質真係冇得彈～放題嘅肉完全比唔上，赤身嫩滑冇筋，雪花部位入口即溶，油脂香爆燈💯！另外加咗份牛舌，夾埋蔥花一齊燒，爽口得嚟又夠香，係全晚MVP🌟！ 不過個溫泉蛋飯就真係貴咗啲，$42得隻蛋同飯，性價比一般😅。兩個人食晒咁多嘢都仲有少少空虛感，可能我哋太為食？😂 整體嚟講，單點嘅質素真係高好多，如果想食靚牛肉，牛角絕對係穩陣之選～下次再戰要試埋佢嘅和牛！🍖 #牛角燒肉 #日本燒肉 #雪花牛入口即溶 #為食鬼日記 #貴少少但值回票價

牛角論環境不錯，坐位不會予人迫窄的感覺適合家人或朋友聚會但今日星期日午飯時間，還有很多吉位服務員很有禮有問必耐心解答來到牛角都會叫燒肉食如星期天選一人燒肉set, 起碼$150我們點了2份燒肉sets+ 1份泡菜豆腐海鮮窩set+北海道產白老牛上級後腿肉（A4級60g)($128有4小塊）埋單616Lunch set 都包了前菜蕃茄，一大碗牛角飯（差不多等於2碗家用飯碗的量）和一杯茶，燒肉set更可選多一款小食（我們點了牛油帶子（3小粒）和菠蘿（2片））燒肉的質素不錯，連埋一大碗牛角飯食，很飽肚。豆腐窩的豆腐很嫰，泡菜湯有辣味，但不會很辣和過咸，送飯食很不錯。白老牛肉的賣點是肉質細嫩，油花均勻。好奇下點了一份上級後腿肉來試，但品嚐後發覺自己未能發現它令人讚嘆之處。我食Lunch set 的燒肉已滿足了！

今日兩點幾去到德福，原本諗住食牛角烤肉午餐，點知店員叫我等多10分鐘，因為會有下午茶時間，同樣係午餐Menu，不過會有七五折，咁我當然等啦☺️因為好想食牛舌，所以我叫咗一個$98燒肉套餐。一開始嘅時候，我先叫店員準備蛋黃醬俾我，用嚟撈飯。成個餐好豐富，有10件肉，大大碗飯，我叫咗多紫菜多蔥，雖然係特價，但係啲肉完全冇縮水，大大件好好食，仲有前菜、麵豉湯同埋飲品，呢個餐真係好滿足。埋單$83 ，下次再食其他餐🥳

在假期前一天，我們一行五人去了牛角叮晚餐，選擇了超值的2人餐，真是一個明智的決定。因為我是銀卡會員，只需$499就能享用這套餐，性價比非常高。套餐包含了前菜、燒肉與海鮮盛合，以及牛角飯，而主菜中的黑毛和牛牛肋肉，油花分布均勻，肉質鮮嫩，入口即化，搭配秘傳醬汁的牛胸腹，味道惹味，令人垂涎。每一口都充滿了滿足感，讓人忍不住想要再來一份。雞腿肉則相當甘香脆嫩，烤得恰到好處，讓人一口接一口，根本停不下來。除了套餐，我們還額外點了石鍋日本牛旨味飯，飯粒吸收了肉汁，香氣四溢，吃上一口就如同置身於日本的美味之中。黑毛和牛旨味湯烏冬的湯頭濃郁，烏冬彈牙，雖然牛肉略硬了一些，但整體口感仍然讓人感到滿意。此外，三味上級牛頸內脊更是一大亮點，肉質滑嫩，超美味，讓我們每個人都讚不絕口。

點了黑毛和牛套餐，大概$500 ，和牛有根，牛舌太硬，感覺十分不值。服務一般般，職員把餸菜一次過送上出來，由於二人枱不夠位置放，我們要求換枱，可是不成功。經過再次要求，我們最終可以更換。以前花錢買會籍，打算用$50 coupon，可是職員要求正價食品才能用上。我最初入會時沒有這麼說的，我相信大部份顧客多選套餐免動腦筋，那麼coupon變廢紙嗎？下次一定不會再花顧，不斷被拒絕。That’s why we don’t spend money on such restaurant.

今日出面落大雨，只好同朋友留係商場行下順便食個午餐。適逢咁岩係星期一 牛角會員有八五折優惠 就去食個午餐午市黎講唔算多人，等左一陣就有位。由於晏晝唔係咁想食燒肉，我就試左佢既石鍋泡菜豆腐海鮮配牛角飯。一上黎個石鍋就熱辣辣睇得出岩岩整好，岩哂今日天氣涼涼地食。湯汁有好重既泡菜味同海鮮味，配上牛角飯都好好夾不過始終比較多泡菜，整體口味偏重，但又唔會話好油膩、亦都唔會會話好辣，都唔錯。最後折完埋單先80蚊左右，午餐黎講好抵食

平日食牛角，而家推出咗一啲七折嘅嘢食但係用咗七折堂食就唔可以用會員其他優惠啦我覺得個烏冬係最好味嘅好大碗，同埋佢啲牛肉都唔係cheap其他嘢食就普通牛角嘅食品啦，冇乜特別驚喜

我最近在呢間餐廳用餐的經驗真是令人失望。首先分配座位制度非常有問題，本身冇book位，但當日咁飛等只須要等兩位，但中途不斷比已book枱人士攝位，導致明明餐廳有不少空位，但攝下攝下成30分鐘後先到我哋此外，服務質量極差。服務員態度冷淡且不耐煩，樓面明顯人手不足，會導致場面極度混亂。點菜後，等待的時間非常長。菜品的味道即不過不失餐廳的環境也不太理想，staff忙到飛起，很多客人都有少少燥總的來說，這次用餐經驗讓我感到非常失望。服務質量差、人手問題都讓我對這家餐廳的印象大打折扣。

今日下午放工後和同事一齊走去九龍灣逛德福廣場，無無聊聊之際看見牛角居然無人排隊，因為平時如果唔係預早訂枱要walk in的話，起碼要等1粒鐘或以上，可能當時已經係下午3點幾，所以咁少人，於是就立即入去醫吓個肚仔先。午餐時段有4個套餐可以選擇，因為我被和牛吸引了我的眼球，所以我揀了午餐C，都係$228。昆布湯湯裏有昆布、洋蔥和芝麻，熱辣辣的昆布湯帶有洋蔥的香甜味，感覺清甜可口。前菜我揀了沙律青瓜條，食落清甜爽脆，感覺十分舒服。一口燒墨魚感覺非常新鮮，有墨魚的鮮味。牛角極上四品燒肉盛盒（可揀不同醃醬，適合不同人士的味蕾，我揀了原味）有美國上級牛頸脊、熊本豚梅肉、日本雞腿肉和日本九州極上黑毛和牛牛肋肉，每種肉類都非常新鮮，一邊燒一邊香味四散，未食已經令我垂涎三尺，咬落還有少許肉汁滲進口腔裏，十分滋味，尤其是和牛，脂肪分佈均勻，不覺肥膩，入口即融，一試難忘。香蔥温泉玉子飯滿佈紫菜絲的牛角飯，再加上美味的日本雞蛋，食落有微微的紫菜鹹香味和雞蛋的香味，大胞口福。還有一杯苿莉花茶熱飲，可揀常温或熱，十分貼心。

用餐環境：牛角餐廳的用餐環境營造出一種舒適而現代的氛圍。餐桌之間的間距恰到好處，使得用餐時保持了一定的私密性。整個用餐過程中，舒適的座椅和柔和的燈光讓我能夠放鬆身心，全心享受美食。食材品質：牛角餐廳以其對食材的嚴格挑選而聞名。他們提供的牛肉是頂級品質的和牛，其理想的油花分佈和鮮美的口感令人難以抗拒。此外，他們還提供了多種其他肉類和海鮮選擇，如豬肉、雞肉和新鮮的海鮮。無論是單點菜品還是套餐，每一塊肉都經過精心處理和切割，確保在燒烤過程中保持最佳的質量和口感。烹飪技巧：在牛角餐廳，每桌都配備了個人的燒烤爐，讓客人可以根據個人喜好來烹調食材。服務員會耐心地解釋每種肉類的最佳烹飪方法，並提供必要的調味品和醬料。這種互動式的烹飪體驗使得用餐更加有趣和個性化，讓我能夠掌握烹飪的過程和火候，確保每一口都滿足了我的口味需求。服務品質：牛角餐廳的服務團隊給我留下了極為深刻的印象。他們的服務細膩周到，總能及時回應客人的需求。無論是烤肉技巧的諮詢還是點餐建議，服務員總是樂意提供幫助。他們對每位客人都非常友善和專業，使整個用餐體驗更加順暢和愉悅。

今日同事突然請我去食牛角我哋三個人12:30等左大約半個鐘先有位同事話佢係會員，今個月有送一盤四人份嘅食物但係前提要叫夠$400先可以送溫馨提示✨牛角已經用電話QRCODE落單好耐我哋叫咗最貴嘅燒肉套餐價值$128 🥩最貴嘅燒肉套餐可以任揀套餐內五款燒物另外我加$10要咗普通份量既牛角飯、加$2要薑味汽水同事就另外再加兩個雪糕終於湊夠$400 ，於是送咗一盤四人份嘅食物落完單後，服務員好快送上餐前小食泡菜同海帶湯不過啲嘢食要啲時間先送到，而且份量亦都唔係想像咁多，有埋送嘅四人份食物先夠大家食牛角嘅牛🥩帶點雪花，入口即溶可惜海蝦唔新鮮、冇咩蝦嘅鮮甜帶子好細隻，建議都係食肉類比較穩陣我覺得加$10牛角飯係必須嘅，珍珠米配合紫菜豉油十分開胃👍🏻食完埋單會有服務員送上糖果

牛角已經食左N次，今晚見得閒又過黎食番餐。牛角一直係我心中食牛嘅首選。價錢合理之餘，又可以一邊同朋友傾下計，一邊慢慢燒，享受下BBQ嘅感覺。牛舌切得好蒲，所以唔會靱，而且好有牛味自己最鍾意食牛肋肉，肉汁飽滿肥而不膩，燒烤完蘸上醬汁，認真係一流嘅享受。食牛之前食個海蜇柚子醋沙律，甜甜酸酸，先開開胃，非常合適。服務都好周到，又係一次好愉快嘅牛角餐!

仲未有假去日本旅行🇯🇵喺香港想食燒肉所以去咗牛角食lunch九龍灣分店有weekend lunch menu性價比幾高⭐️牛角極上四品燒肉盛合⭐️👉🏻個set重點係有四件日本九州極上黑毛和牛肋肉😍牛肋肉油分比較多所以燒個陣已經聞到油香味🤤肉質超軟滑，入口即溶😋👉🏻美國上級牛頸脊呢個位置係牛運動量較多既部位有適量嘅油花肉味濃郁牛肉厚度適中，不會太薄或太厚👉🏻熊本豚梅肉同日本雞腿肉其他燒肉就不過不失👉🏻牛角飯食燒肉一定要配飯日本飯，加上牛角自家製燒肉汁同紫菜好美味👍🏻

今日同朋友行街行耐左，食飯嘅時候已經好晏，於是就嚟咗牛角打算食佢嘅宵夜套餐。因為時間已經好晏，所以等嘅時間都唔係好長，好快就已經可以入座。我哋一行兩人嗌咗個二人餐，另外在每人加咗一個牛角飯，整體上都非常之夠份量食完都好飽。講吓食物嘅質素，牛嘅質素不過不失，唔算太鮮嫩，但係都唔會話好韌好難入口。最推薦係佢嘅牛角飯，我最鍾意就係加啲鹽醬落去，配埋啲牛一齊食非常之好食。但要注意唔好落太多醬，否則就會超級鹹。