雲壽司 (聯成商業中心) (已結業)

今日早放工同同事諗住搵間舖頭坐一坐吹吓水食少少嘢 經過見到呢間同事話好耐冇食壽司咁我哋就入咗去啦 點知入到去見到得一個客 就諗呢間唔通麻麻哋所以同朋友都係點咗幾件淺嘗一下 我哋就叫咗一個10件既set😌紫色嗰張Menu可以任選10件或者12件既 但就唔可以重複選擇 同埋佢係包埋沙律同埋麵豉湯 另外我地再單點左件三文魚腩同埋赤蝦壽司🍣壽司嚟到後賣相都唔錯 好似都幾好食咁 但食咗一兩件就發現好似唔算話好新鮮嗰隻 屬普普通通 食落無話驚艷個啲 三文魚腩嗰啲會有種好肥美嘅感覺但呢度無 海膽雖然無苦味但唔係好好食 感覺上呢到無銅鑼灣其他壽司舖咁抵