影片
更多
2014-10-08
3207 瀏覽
暑假時想同朋友們去759雲吞麵店到食Lunch，可惜等過馬路時已經見到好多人係門口等候中，所以無去到食，可能大家都係羊群心理底下要試759雲吞麵。Yeh ... 終於今次成功可以進攻去759雲吞麵喇，重好好彩，話咁快就有位，只等大約 8分鐘，he ... he ... 點解咁快有位！？係因為原先張4人卡位已有2位小姐坐緊的，店員見我地 4位，所以店員都好有禮貌地叫2位小姐換位，她們都好好肯換位。店內裝修冇乜花巧，有卡位及圓台，不過筆者最欣賞係那牆上貼滿了不同放大版的限量版會員卡，好有心思。講番食乜先，呢度出名係牛雜及雲吞，筆者當然係點了碗牛雜米線，而朋友們就分別點了牛雜麵及牛坑腩麵，跟住再叫多碗淨雲吞大家 Share！！唔使等好耐麵到啦，眼見碗米線既碗唔知點解比起其它既碗係特別唔同，碗高身咗及連湯匙都大d，而其它麵碗就係扁身及普通湯匙，其實分量係一樣的。講番碗牛雜入面有牛肚、牛肺、牛膀及牛腸，全部牛雜都炆得好腍，加入五香粉好入味完全冇內臟羶味。朋友們食既牛坑腩麵，一碗牛坑腩好瘦一碗就好肥，佢地唯有交換一半瘦一半肥嚟食，好彩佢地都話ok好食，個麵就剛剛好一人份量，不過大食既人就會唔夠飽
暑假時想同朋友們去759雲吞麵店到食Lunch，可惜等過馬路時已經見到好多人係門口等候中，所以無去到食，可能大家都係羊群心理底下要試759雲吞麵。Yeh ... 終於今次成功可以進攻去759雲吞麵喇，重好好彩，話咁快就有位，只等大約 8分鐘，he ... he ... 點解咁快有位！？係因為原先張4人卡位已有2位小姐坐緊的，店員見我地 4位，所以店員都好有禮貌地叫2位小姐換位，她們都好好肯換位。
店內裝修冇乜花巧，有卡位及圓台，不過筆者最欣賞係那牆上貼滿了不同放大版的限量版會員卡，好有心思。
講番食乜先，呢度出名係牛雜及雲吞，筆者當然係點了碗牛雜米線，而朋友們就分別點了牛雜麵及牛坑腩麵，跟住再叫多碗淨雲吞大家 Share！！唔使等好耐麵到啦，眼見碗米線既碗唔知點解比起其它既碗係特別唔同，碗高身咗及連湯匙都大d，而其它麵碗就係扁身及普通湯匙，其實分量係一樣的。
講番碗牛雜入面有牛肚、牛肺、牛膀及牛腸，全部牛雜都炆得好腍，加入五香粉好入味完全冇內臟羶味。朋友們食既牛坑腩麵，一碗牛坑腩好瘦一碗就好肥，佢地唯有交換一半瘦一半肥嚟食，好彩佢地都話ok好食，個麵就剛剛好一人份量，不過大食既人就會唔夠飽。之於雲吞，皮簿、包有鲜蝦及豬肉，湯面重灑上蝦子‘正’，直得一試。
店舖除咗有飯及麵食之外，還有三文治選擇，不過筆者覺得一碟飯要投成$50-$55好貴吓。
張貼
