羅富記粥麵專家 (已結業)

成日經過都聞到好香淥麵味，o尋日lunch time終於食o左啦!雲吞麵、水餃麵同皮蛋瘦肉粥我都試過。水餃好過雲吞，雲吞包得較鬆散好易攔，而且我只係食到蝦，食唔到有其他材料，水餃反而包得較結實，料十足。麵就好食好爽，唔會太重鹼水味。而粥方面，個粥底好綿好滑，不過幾鹹，我估落了唔少味精，我同事食了半碗已經食唔到啦!另外，我o地仲叫了皮蛋酸薑、腐乳通菜、炸雲吞同蜆介鯪魚球。皮蛋好糖心，可惜d酸薑好紅，應該落了好多色素。鯪魚球真係唔錯，好熱好彈牙，唔會一舊舊粉，不過又係幾鹹。而炸雲吞就唔得，上碟時未隔淨d油，仲有好多油係碟底，係一大滴一大滴個隻。而且仲有油"益"味。不過食過之後，都係覺得麻麻地，始終覺得食雲吞都係麥文記好食。