阿詩瑪壹菌 (已結業)

同媽媽去左太古城行街食飯 佢一早就話好耐無食呢間食店 原來之前佢同佢家姐(即姨媽) 食過 所以今晚話不如去食 我自己總算第一次 不過無訂位 好彩去到都比到位我地 被門口紅色燈光吸引到內裡也以紅色裝修為主調 好中式 坐位以卡位主力 方便傾計兼私隱度高 見有房提供大枱 伙計都好禮貌 安排好坐位 簡單介紹下 連茶都帶點菌味 我問媽媽想食什麼 Menu太多Choice了 最後揀左雲南氣窩雞 但竟然係湯來 同我食過的氣窩雞唔同架 兩個人叫左細份量 剛好有兩碗 第一口熱辣辣好香菌味清清地 好正滇醬肉絲跟薄餅 (中式)媽媽揀的 佢話想食咁就叫吧 反正我都未食過上枱時覺得咁少份量既 但當食時發覺的肉絲跟6塊薄餅 夾好多但都有剩 個醬汁先係靈魂 好惹味 四喜民族拼盤 我推介可以一次食到幾款小食 冷熱都有最鐘意涼伴茄子 個汁調得好出色好夾較清淡既茄子 另一款係海蟄 爽彈牙味道剛剛好 熱葷兩款 煎豬扒 入味兼鬆軟 驚喜之素腐皮卷 外脆仆仆+熱辣辣 無得輸 最後必試雲南過橋面線啦 個個都叫喎 絕對跟我去雲南旅行食一樣正宗 超滾高湯 湯面一層薄薄油 伙計即係由薄薄肉類 有次序地落d料下湯中 好快就整理好 讓我