雲來軒 (已結業)

又係girl’s night嘅日子啦⋯⋯我有個姊妹叫我地去尖沙咀試一間好🈶️名嘅Fusion中菜餐廳！屬尖沙咀高檔摩登中菜！呢間中菜廳有好多報紙雜誌電視📺報道⋯⋯我哋姊妹們點會錯過囉😏☁️☁️雲來軒☁️☁️來到餐廳門口！wow！好多獎狀丶訪問丶報道🤩貼左門口⋯⋯犀利呀⋯⋯餐廳樓底都非常高，而且座位唔會太狹窄，坐得好舒服！裝修非常雅致！天花有一朵朵雲襯托着😍雖然今日是weekday但係都有七八成滿座！拖羅蜜汁黑豚肉$128有少少肥有少少瘦，肉質鮮美可口，我個人就最怕肥淋淋😏又或者太瘦又會好硬好韌！肉質燒得好香！蜜味適中！仲有沙律菜伴碟😋醒胃話梅雞$188半隻話梅雞醬汁非常濃厚！有青椒紅椒洋蔥同炒👍連配菜都好好味！酸酸甜甜非常惹味🤩而且份量十足雖然只得半隻🤨！越食越開胃！從來唔食飯嘅我！抵擋唔住啲醬汁都食咗一碗了😅