影片
更多
2018-09-21
108 瀏覽
王氏力牆今日同屋企人，去到銅鑼灣shopping 。但係剛巧遇到落雨，所以要喺附近餐廳食下嘢順便避下雨 。我哋用openrice search 附近餐廳，最後揀到呢間位於tower 535 既appendix bar & restaurant 餐廳。呢度餐廳設計特別，每張枱都有自己私人空間 。同時枱下面都叉電器，睇得出佢哋好 為客人用心設計。如果平時有用電腦做野朋友，可以一邊嘆杯咖啡一邊用電腦做自己嘢，仲舒服過去starbucks。餐牌分類清晰，我哋三個最後揀咗兩個lunch set。因為小女鍾意食雞，揀咗個燒春雞餐比佢。另外，我同太太都比佢哋嘅自家製茄汁吸引，所以選擇咗海鮮茄汁扁意粉。因為我哋點咗個combo set ，包埋餐湯＋飲品，所以先送嚟餐前湯，你估佢唔到今次餐湯用咗椰菜花配搭薯仔，所以食到非常之健康之餘，配搭亦出奇地夾，真係十分驚喜。到燒春雞餐，隻雞烤倒好香，而上面再加上蜜糖更加令到隻燒雞更惹味，再加上配菜， 份量真係要兩個人先可以食得曬。 但佢價錢非常之大眾化，所以性價比極高。好啦，終於到佢哋嘅海鮮自家製茄汁扁意粉 ，先講下佢哋用上好多隻大蝦同埋蜆肉 做配搭，重點嘅自家製
呢度餐廳設計特別，每張枱都有自己私人空間 。同時枱下面都叉電器，睇得出佢哋好 為客人用心設計。如果平時有用電腦做野朋友，可以一邊嘆杯咖啡一邊用電腦做自己嘢，仲舒服過去starbucks。
餐牌分類清晰，我哋三個最後揀咗兩個lunch set。因為小女鍾意食雞，揀咗個燒春雞餐比佢。另外，我同太太都比佢哋嘅自家製茄汁吸引，所以選擇咗海鮮茄汁扁意粉。
因為我哋點咗個combo set ，包埋餐湯＋飲品，所以先送嚟餐前湯，你估佢唔到今次餐湯用咗椰菜花配搭薯仔，所以食到非常之健康之餘，配搭亦出奇地夾，真係十分驚喜。
到燒春雞餐，隻雞烤倒好香，而上面再加上蜜糖更加令到隻燒雞更惹味，再加上配菜， 份量真係要兩個人先可以食得曬。 但佢價錢非常之大眾化，所以性價比極高。
好啦，終於到佢哋嘅海鮮自家製茄汁扁意粉 ，先講下佢哋用上好多隻大蝦同埋蜆肉 做配搭，重點嘅自家製茄汁非常之特別，並唔係太酸，好啱鍾意食蕃茄嘅人真係要去試下啦，值得為佢推介。扁意粉份量亦十分足夠，整體而言水準十分高。
最後，餐連有兩杯飲品，我哋點咗凍朱古力同埋凍mocha。朱古力味濃郁，佢地飲品餐廳有個特點，就係唔係太甜。甜度會比其他餐廳低，嘗甜嘅朋友要注意下啦。
最後，我哋食完呢餐之後大雨剛好停咗，我哋又可以去其他餐商場shopping ，真係多謝哂，香港竟然有啲咁特別驚喜嘅餐廳，希望可以開多幾間。
張貼
