影片
更多
2025-03-04
657 瀏覽
另一半話我打得太長所以我決定打個summary喺開頭，想睇完整評論就請碌落去少少Summary：薯條同南瓜湯OK，餐廳提供最多嘅意粉好難食，烤春雞好難食，就算我哋已經好餓，另一半平時都冇乜要求，都覺得難食，中伏！侍應唔識搵位收餐。張櫈係污糟嘅，冇清潔好。詳文：我同另一半約咗個朋友喺cwb食lunch朋友喺openrice睇完食評就揀咗2間俾我我二揀一就揀咗layback點知令到我寫第一個食評一去到佢哋叫我哋坐嘅位張凳係污糟，有麵包碎嘅。朋友叫沙律，我同另一半揀咗避風塘蟹肉扁意粉同埋法國烤春雞首先嚟咗午餐附送嘅南瓜湯，都可以，正常額外叫嘅薯條熱辣辣香脆我哋好鍾意佢好可愛嘅鴨鴨茄汁容器意粉嘅賣相幾好，點知一咬就出事係痴牙嘅意粉😑另一半係覺得痴牙+漿口，好難食重點係，平時我先係嫌嘢食唔好食嗰個，另一半對食物可以好冇要求朋友聽到我哋咁講都好好奇，然後我叫佢試咗一條，佢都話唔好食我即刻叫另一半唔好食，叫佢換過第二個餐但係另一半話：呢間餐廳咁多嘢食都係意粉，佢都可以將意粉整得咁難食，你點解覺得佢其他嘢會好食俾佢講一講，又覺得有道理喎於是我改變主意，打算試埋個烤春雞先再決定叫唔叫另一個餐等咗好耐烤春
Summary：薯條同南瓜湯OK，餐廳提供最多嘅意粉好難食，烤春雞好難食，就算我哋已經好餓，另一半平時都冇乜要求，都覺得難食，中伏！侍應唔識搵位收餐。張櫈係污糟嘅，冇清潔好。
詳文：
我同另一半約咗個朋友喺cwb食lunch
朋友喺openrice睇完食評就揀咗2間俾我
我二揀一就揀咗layback
點知令到我寫第一個食評
一去到佢哋叫我哋坐嘅位張凳係污糟，有麵包碎嘅。
朋友叫沙律，我同另一半揀咗避風塘蟹肉扁意粉同埋法國烤春雞
首先嚟咗午餐附送嘅南瓜湯，都可以，正常
額外叫嘅薯條熱辣辣香脆
我哋好鍾意佢好可愛嘅鴨鴨茄汁容器
意粉嘅賣相幾好，點知一咬就出事
係痴牙嘅意粉😑
另一半係覺得痴牙+漿口，好難食
重點係，平時我先係嫌嘢食唔好食嗰個，另一半對食物可以好冇要求
朋友聽到我哋咁講都好好奇，然後我叫佢試咗一條，佢都話唔好食
我即刻叫另一半唔好食，叫佢換過第二個餐
但係另一半話：呢間餐廳咁多嘢食都係意粉，佢都可以將意粉整得咁難食，你點解覺得佢其他嘢會好食
俾佢講一講，又覺得有道理喎
於是我改變主意，打算試埋個烤春雞先再決定叫唔叫另一個餐
等咗好耐烤春雞終於嚟
侍應送雞嚟嘅時候，我哋請佢將意粉收返走，同佢反映好痴牙
佢有啲疑惑，重複咗「痴牙？」，收走咗碟意粉，冇任何跟進
食咗一啖春雞，事實證明真係要聽另一半講嘢——都係唔好食
外皮少少脆，有好輕微嘅檸檬鹽調味
但係佢嘅雞肉係完全冇醃過冇調味，而且亦冇乜雞味
我嘅另一半平時會食白烚雞柳都覺得呢隻春雞好難食
佢形容似係用水煮完之後烤返個外皮
好彩本身烤春雞係跟peri peri醬
如果唔係，同意粉一樣食唔落去
見餐廳對客人嘅反映冇跟進，而我哋都真係餓喇，所以隻雞我哋有點peri peri醬食晒
唔知大家有冇發現個重點，我哋喺好肚餓嘅情況之下都覺得呢間嘢好難食⋯⋯
侍應嚟收返啲碗碟嘅時候唔知點解要喺我朋友嗰邊挨埋成個身過去，我朋友係需要就佢避開佢，而我哋係得三個人，所以第四個位明明有空位隔籬枱亦都冇人⋯⋯
環境係OK嘅，啲音樂都幾好。
到最後我同朋友得出一個結論就係呢間嘢嘅好評係唔知點嚟😪
避風塘蟹肉扁意粉
$128
0 瀏覽
0 讚好
0 留言
霹靂霹靂法國烤春雞
$148
0 瀏覽
0 讚好
0 留言
張貼
