影片
港鐵銅鑼灣站 A 出口, 步行約4分鐘
繼續閱讀
電話號碼
92758618 (WhatsApp/ Signal)
開飯介紹
由尖沙咀搬遷到銅鑼灣的café，裝修簡約，適合朋友聚會。供應薄餅、意粉、漢堡及沙律等西式美食。
繼續閱讀
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
以上資料只供參考, 請與餐廳確認詳情
-
網上訂座服務暫停
首先，個賣相已經贏晒！一大pat 金黃到發光嘅生拆蟹粉，鋪喺一碟煙韌嘅韓式年糕上面，隔離仲有幾件烘到脆卜卜嘅蒜蓉酸種麵包。未食已經聞到超香嘅蟹膏味同蒜蓉香，口水即刻標！重點講吓主角 蟹粉 ：真心足料！食得出係新鮮生拆，唔係罐頭貨色。蟹膏嘅濃郁甘香超級突出，仲有啖啖蟹肉絲，鮮味爆棚！最重要係師傅調味剛剛好，鹹鮮得嚟唔會遮咗蟹嘅本味，亦唔會腥，勁正！配嘅 韓式年糕 好有驚喜！唔係平時好硬好韌嗰種，煮得啱啱好，外層微微煙韌，咬落去係軟糯嘅，仲好索汁！掛滿咗濃稠嘅蟹粉醬汁，每一啖都係蟹香加年糕嘅米香，口感同味道都超夾！ 至於個 蒜蓉酸種麵包 ，絕對唔係配角！烘得超級香脆，蒜蓉味好香但唔會過火搶味。酸種包本身帶微微酸香同韌性，點落啲蟹粉入面，脆脆嘅包身吸滿鮮濃蟹膏... 哇！個鹹香鮮味層次即刻昇華，呢個食法真係神來之筆！成個組合睇落好似幾Heavy，但食落一啲都唔滯，反而係鮮味主導，蟹粉嘅濃郁俾年糕同麵包平衡得好好。份量都幾足，兩個人Share再叫多個小食就夠晒滿足！呢個 生拆蟹粉韓式年糕拼蒜蓉酸種麵包 絕對係Layback必試嘅招牌以咁足料嘅生拆蟹粉嚟講，算係中上價位，但個質素同獨特性真係值回票價！鍾意蟹嘅朋友，呢個邪惡組合真係會滿足到癲！強烈推介你嚟試吓！
繼續閱讀
「Layback Cafe & Bar」位於銅鑼灣百樂中心，好耐無黎，曾經嘅食街，原來已經不復往日，一幢百樂中心只餘下八間餐廳，相信強者才能生存。Layback於菜式及Cocktail加入不同創意，大玩Fusion，的確係有啲特色。Mango Sticky Rice Cocktail ($108): 以椰子水做底，加入浸泡過糯米飯嘅Rum酒、斑蘭，以及芒果泡沫調製，的確係幾濃芒果糯米飯嘅味道，並不突兀，味道亦甜甜地，帶少少Rum酒香，算係好飲。Pistachi-Yo! Cocktail ($108): 同樣以椰子水做底，加入椰子利口酒、Rum酒，以及開心果奶蓋調製而成，開心果奶蓋超級濃厚香甜，出色，Base嘅椰子味突出，帶點Rum酒味，味道比上一杯更甜，亦係好好飲。芝士拼盤 ($128): 拼盤分別有藍芝士、布里芝士、無花果、杏仁、意式欖橄味餅乾，由於藍芝士於製造時故意加入黴菌使芝士發霉，所以有種獨特而濃郁嘅風味，鍾意食嘅會好鍾意，唔鍾意嘅話亦未必頂得順佢嘅氣味，味道較重咸香，適合配餅乾食；布里芝士味道較清淡，口感較奶滑，基本上都係大眾喜歡嘅味道。法式芥末子蜜糖烤羊架 ($328): 一客共有四件羊架，每件連住一大片脂肪，煎至非常香口，油香味重，肉質亦非常嫩滑且富肉汁，羊羶味唔重，仲配有露荀、小番茄，份量頗多。生拆蟹肉蟹粉拌韓國年糕配蒜蓉酸種麵包 ($298): 如圖所示，蟹肉份量相當多，絕對對得住佢嘅價錢，醬汁帶有濃郁鮮甜嘅蟹粉蟹肉味道，內含韓國年糕，口感煙韌。酸種麵包加入蒜蓉粒，焗至邊位微微脆香，而麵包本體鬆軟，質素唔錯。斑蘭椰香芒果巴斯克芝士蛋糕 ($78): 市面上一係開心果，一係原味芝士巴斯克，斑蘭味都係第一次食，斑蘭味道較mild，唔會太濃，芝士味適中，質感亦幾滑，加埋椰香及芒果醬，整體幾清甜唔會太膩，幾有泰式風味。
繼續閱讀
今晚同朋友慶祝生日, 特別找到一間充滿氣氛, 又可以輕鬆地暢談, 仲可以坐上好幾個鐘頭的西餐廳, 感覺又係Cafe, 但又有酒飲的餐廳, 當然食物質素都非常重要, Layback Cafe 確係好選擇！！~<日本和牛粒配喜馬拉雅山岩鹽>和牛肉粒非常高質素, 烤得好香, 外焦內嫩, 牛肉味好出, 並帶有肉汁, 岩鹽同黑胡椒令到肉粒更加惹味。<龍蝦扁意粉>龍蝦汁做得非常香濃美味, 配上龍蝦肉、蕃茄肉及意粉, 入口非常creamy好食。<法式芥末蜜糖烤羊架>羊架用上香草蜜糖等配料來烤, 烤得好香好惹味, 帶有少少脂肪, 又嫩又香口。<Pandan Mango Basque Cheesecake>呢個班蘭椰香芒果巴斯克芝士蛋糕, 帶有淡淡的班蘭香, 椰子奶香與芒果的結合, 令整件Cheesecake 味道更加豐富, 更加有層次。<Govida Espresso Martini>呢個cocktail 帶有好濃厚的Godiva 巧克力味道, 同時Martini的酒味依然保持得到, 感覺好似飲緊一杯好濃嘅朱古力酒, 酒味好香而容易入口, 感覺好sweet。<The Dai of Life>綠茶味比較重, 酒的味道較輕, 並帶有椰子水的清甜, 同樣容易入口。今晚全場滿座, 有好幾枱客人都是和朋友來這裏慶祝生日, 餐廳的服務員, 還會為客人唱生日歌, 令現場更加熱鬧, 我們今晚特別來慶祝生日食晚飯, 感覺更加有氣氛。
繼續閱讀
銅鑼灣行街行到攰想搵位Hea？即刻Bookmark呢間「Layback Cafe & Bar」！佢哋玩中西Fusion玩到出神入化，食物勁有創意，環境仲超Chill，夜晚仲會變身酒吧，cocktails一樣掂！重點推介呢三樣 生拆蟹粉半北京撈麵 — 鮮到彈起！真‧蟹粉控注意！呢碟撈麵落足本，用新鮮大閘蟹每日生拆蟹粉同蟹肉，金黃蟹油多到漏，撈勻彈牙粗麵條，每啖都係「嗦嗦聲」嘅蟹香暴擊！仲要加埋脆卜卜蟹籽，鮮味層次大爆發，食完齒頰留香，真心邪惡到喊！ 油封鴨腿配窩夫、血橙 — 鹹甜交織神組合！以為窩夫淨係配糖漿？Out喇！法式油封鴨腿煮到皮脆肉嫩，一撕就離骨，鹹香肉汁多到驚！配搭外脆內軟嘅比利時窩夫，再淋上酸甜清新嘅血橙醬，鹹甜交織竟然超夾！一啖鴨肉一啖窩夫，味蕾大滿足，影相仲呃Like一流！ Cocktails — 創意玩味超打卡！Happy Hour唔飲返杯點算？佢哋嘅調酒師好鬼馬，Cocktails名得意、造型浮誇又好飲！必試 「Sour Punch」 系列，用新鮮水果+自家浸製烈酒，酸爽易入口，女仔大愛！仲有 「Espresso Martini」 咖啡香超濃，飲完成個人醒神晒！
繼續閱讀
約咗醫生在銅鑼灣洗牙⋯⋯晴天霹靂自己嘅牙齒要補九隻⋯⋯唔係爛牙係刷牙太大力蝕咗🙈⋯⋯大出血洗咗一萬多元😩⋯⋯洗完牙行咗一陣決定要飲杯Cocktail 平息吓自己嘅心情⋯⋯橫掂都係梗係要揀間質素高啲嘅餐廳🍴⋯⋯開餐啦⋯⋯這間餐廳佈置得，非常有feel⋯⋯去到見到我嘅偶像哥哥張國榮⋯⋯非常懷念佢⋯⋯Godiva Espresso Martini 🍸 超香濃嘅Godiva嘅朱古力⋯⋯每一口都口裏便爆發朱古力香氣⋯⋯加埋Vodka、濃縮咖啡⋯⋯Cocktail非常吸睛⋯⋯店員點火好似燒煙花咁好靚⋯⋯Mango Sticky Rice呢杯Cocktail非常清爽⋯⋯每一口都充滿芒果糯米飯嘅香氣⋯⋯加咗Rum和椰子水⋯⋯又香又甜，非常消暑⋯⋯西班牙風乾火腿片3個月配季節蜜瓜蜜瓜超香甜⋯⋯西班牙火腿肉質香濃⋯⋯鮮嫩又不失結實嘅口感⋯⋯配以香甜嘅蜜瓜超正⋯⋯又甜又鹹⋯⋯ Yummy⋯⋯生拆蟹粉拌韓國年糕配蒜蓉酸種麵包蟹粉配年糕呢個新奇嘅食法，我都係第一次食⋯⋯但係出奇咁夾喎⋯⋯店員噴上女兒紅增添咗唔少風味⋯⋯頂層鋪滿的蟹肉⋯⋯香脆嘅酸種蒜蓉麵包⋯⋯呢個fusion菜式一定要食⋯⋯北海道海膽帆立貝幼蛋麵帶子剛剛熟帶有刺身嘅口感非常鮮甜丶新鮮⋯⋯蛋麵吸收了金黃色嘅醬汁！特別好味！加咗海膽撈埋啲意粉😋好鮮味！Strawberry Matcha BasqueCheesecake抹茶芝士蛋糕非常濃郁！又綿密⋯⋯入口即化⋯⋯抹茶帶有少少嘅苦澀味，加埋頂層嘅士多啤梨cream！口感超豐富！美食的確可以拋開煩惱！
繼續閱讀