第三站

同朋友想搵間cafe坐低傾下計，朋友話station3多好評，上openrice見到多人贊，就去試下。去到幢大廈都幾舊， 上到去走廊有種污煙漳氣嘅感覺，但唔緊要啦，一場黎到，都試吓啦。見到好多人都話黑松露意大利飯好食，我就叫左呢個試吓，本身都好鍾意食黑松露同埋雜菇。叫左野食後5分鐘就嚟齊了。首先，個意大利飯只係微暖，完全唔熱，好明顯係一早整定叮返熱就算。味道方面，幾乎無黑松露味咁濟，成碟飯好似食緊無味既意大利飯咁，連香味都無乜。d意大利飯口感又差，好硬，唔係半生熟個隻硬， 係好似完全唔熟咁。成碟飯難食到食左一半就無食，形容比朋友聽佢都唔信咁難食，直到佢都試左一啖之後就都係無食。1/10至於餐加錢個杯芒果乳酪，擺到明係人工芒果味，而且乳酪味好少，成杯得個甜字，係極度甜。我朋友叫咗個焗肉醬意大利粉，一嚟到個意大利粉表面好多黑色焦，食落一浸燶味，而且又係好明顯叮返熱就比你食，但總比個黑松露意大利飯好。4/10成間野勁嘈，環境又差，睇落唔乾淨，食物質素低，價錢每人大約$150倒，但咁難食嚟講性價比係極低一定無下次