星海．譽宴 (鱷魚恤中心)

營業中

休息中

今日在家中食團年飯，叫咗觀塘海星·譽宴$998（12人份量）嘅盆菜，本身都知道佢入面全部都係啲普通嘢，（雞鴨冬菇豬手豬皮蘿蔔魚蛋蓮藕），但冇諗過入面啲餸質素咁差，個盆菜入面所有餸都係冇味，正常係有汁，但係佢係一個溝咗水嘅淡湯，啲豬皮蘿蔔魚蛋全部冇色冇味，仲差過喺出邊吉串魚蛋，啲蘿蔔同蓮藕大嚿到用嚟亞位，面頭啲雞薄ee 又少，啲鴨完全切到冇得再細件，豬手好似冇咗面層嗰浸厚肉，直頭唔可以用出面小販檔吉魚蛋嚟相提並論，會侮辱咗啲小販檔，因為佢成個盆菜簡直係好似啲人食淨咗嘅嘢堆埋一齊，成個盤菜最好嘅嘢應該剩係得個煲，大佬，我買個盆菜係想食嘢，唔係想要個煲，香港而家真係太多冇良心嘅食肆，新年流流真失望