Greyhound Café (MOKO新世紀廣場) (已結業)

之前一直都想食哩間餐廳 知道佢出名泰國🇹🇭菜 但總係撞唔岩機會去食一餐 今次趁朋友返香港短聚 佢又話想食泰國野 一於訂位同佢過黎食🥳 旺角東Moko哩間店空間都幾大 有好多位坐 座位同座位之間都好闊落 幾岩坐係度邊食邊傾計☺️芒果🥭沙冰用咗泰國芒果沖製 所以芒果味道同平時唔同 唔會話死甜反而帶清香 餐廳冇加太多既糖 所以味道唔會話太甜 沙冰夠凍同好綿密👍🏻 幾解渴泰式部隊鍋麵同平日係韓國食嘅部隊鍋一樣有好多唔同巴配料 絕對夠晒豐富 麵質亦都好特別 係泰式麵 並唔係一般既公仔麵🍜 冬蔭公湯底微辣帶酸味 幾濃味 唔會淡😋 有海鮮 蝦🦐 青口 魷魚🦑 仲有青檸仔可以幫湯底調調味 食落好開胃🥰 中間仲有一隻蛋 同埋有d魚塊同帶子 唔會單調👍🏻芒果千層蛋糕好耐都冇食過千層蛋糕🍰 餐廳最大賣點就係泰式風味千層蛋糕 可惜今次呢就唔想食泰式奶茶味 簡咗比較常見既芒果🥭 千層蛋糕帶極濃泰式芒果味 同平日我地食開既芒果唔同 較香較濃味 而蛋糕味道都唔會話好甜 岩岩好 口感上做得好好 每一層都唔會太厚 層次分明😚