影片
更多
2024-06-28
1389 瀏覽
今個月好多節目，又同屋企人食好野😆見灣仔萬麗海景酒店嘅自助餐做緊75折，以南洋小島做主題，有泰國菜、新加坡菜、越南、馬來西亞等多款特色菜，勁正自助晚餐6:30開始，可以食到9:30，75折後成人六百幾蚊～除咗有自助餐必食嘅冷盤海鮮蟹腳、麵包蟹、翡翠螺、鮮蝦等，仲有三文魚、吞拿魚、帶子等刺身同多款唔同嘅雜錦壽司🍣，非常新鮮👍🏻仲有無限量供應嘅蒸加拿大龍蝦🦞，肉質結實有鮮味，仲好多膏話明係東南亞做主題，當然有好多唔同國家嘅特色美食，有新加坡嘅肉骨茶、半邊龍蝦喇沙、胡椒蝦、辣椒炒蟹、蕉葉參巴燒魔鬼魚等等肉骨茶藥材味超濃郁，入面有大大件豬骨，飲一啖已經令人非常難忘，足料🫶🏻另外推介大家食龍蝦喇沙，有半隻龍蝦，喇沙湯底惹味，唔會太辣～辣椒蟹🦀亦都煮得好入味，廚師即叫即炒，醬汁以番茄醬同參巴醬調製，未食已經聞到好香，甜味辣味相配搭，可以選擇配搭炸饅頭或者煎餅一齊食，好好食🤤燒魔鬼魚🐟又真係比較少見🤩我都係第一次食，肉質帶少少嚼勁，魚骨較大條，調味帶酸辣。胡椒蝦🦐亦都係新加坡好出名嘅一味菜式，蝦肉爽口彈牙，帶胡椒辛香甜品方面推薦食斑蘭椰糖蛋糕🍰，充滿斑斕香味，蛋糕鬆軟，配上斑蘭忌廉，清甜而不膩個人推
今個月好多節目，又同屋企人食好野😆見灣仔萬麗海景酒店嘅自助餐做緊75折，以南洋小島做主題，有泰國菜、新加坡菜、越南、馬來西亞等多款特色菜，勁正
自助晚餐6:30開始，可以食到9:30，75折後成人六百幾蚊～
除咗有自助餐必食嘅冷盤海鮮蟹腳、麵包蟹、翡翠螺、鮮蝦等，仲有三文魚、吞拿魚、帶子等刺身同多款唔同嘅雜錦壽司🍣，非常新鮮👍🏻
仲有無限量供應嘅蒸加拿大龍蝦🦞，肉質結實有鮮味，仲好多膏
話明係東南亞做主題，當然有好多唔同國家嘅特色美食，有新加坡嘅肉骨茶、半邊龍蝦喇沙、胡椒蝦、辣椒炒蟹、蕉葉參巴燒魔鬼魚等等
肉骨茶藥材味超濃郁，入面有大大件豬骨，飲一啖已經令人非常難忘，足料🫶🏻另外推介大家食龍蝦喇沙，有半隻龍蝦，喇沙湯底惹味，唔會太辣～辣椒蟹🦀亦都煮得好入味，廚師即叫即炒，醬汁以番茄醬同參巴醬調製，未食已經聞到好香，甜味辣味相配搭，可以選擇配搭炸饅頭或者煎餅一齊食，好好食🤤
燒魔鬼魚🐟又真係比較少見🤩我都係第一次食，肉質帶少少嚼勁，魚骨較大條，調味帶酸辣。胡椒蝦🦐亦都係新加坡好出名嘅一味菜式，蝦肉爽口彈牙，帶胡椒辛香
甜品方面推薦食斑蘭椰糖蛋糕🍰，充滿斑斕香味，蛋糕鬆軟，配上斑蘭忌廉，清甜而不膩
個人推薦榴槤同埋泰式奶茶Gelato🍨，由主菜到甜品都以東南亞菜式為主題，好似去咗一趟旅行咁，食均各地美食
張貼
