極上帝王水產

營業中

休息中

放假約埋同事一行三人去旺角極上帝王水產，之前見openrice 有餐飲卷買，$179一位任食6小時12:00-6:00，呢個價錢都幾吸引，但原來冇睇清楚入邊嘅細字😖，星期一至星期四每位再另加$59服務費🙄⋯⋯其實加埋$238任食6小時。餐廳比我感覺有啲侷促迫夾，枱面放左個爐頭供食火鍋用，放埋飲品、調味料之後張枱就更加迫夾，第一round例牌叫盤刺身，原先諗住張枱都冇嘜位啦，食完刺身先再order其他，但都等左幾耐下🙄，改變策略叫左啲熟食，諗住邊食邊等，食食下刺身終於出場，刺身水準總都算正常；之後用QR code再落單，壽司、熟食選擇唔算好多，質素一般，最後order火鍋配料開爐再食，肥牛果真同個名好貼切，近乎一半肥一半瘦🙄⋯⋯。每次落左order其實都要等好耐下，好彩有6小時，所以唔洗食到急急腳咁。呢度$238食足6小時真係賣點，不過呢個價錢如果食120分鐘放題相信有更好選擇🤔。