影片
更多
2006-02-06
13 瀏覽
雖然係星期日唔洗返公司，其實都不過係將公司野帶返屋企做，煩左大半日，夜晚總算係私人時間，於是同友人落銅鑼灣搵食。兩隻病貓去食扒，諗都唔諗就去波士頓，好簡單，因為只佢未見識過火焰牛柳。昏暗的燈光，伙計聽完我地落order，然後拔足狂奔，但永無漏單，完全係豉油扒房的一貫作風。要了火焰牛柳套餐（包一客火焰雪糕），自己的要3成熟，友人要唔見血，經理華哥建議佢要8成熟。一向對「梳打粉」極敏感，近年到豉油扒房亦只會揀波士頓，就是因為佢無化學味，飛鷹、金鳳雖然抵食夾大件，但食完想嘔，無謂慳個少少，而同個胃過唔去。有人話成舊水件牛柳好貴，講真，行過街市問過下價錢，都知買件靚扒所費不菲，人地小本經營，入貨一定比扒王貴。後生的侍應熟練的將肉從烤叉拿下，講起這烤叉，無記錯應該係買左專利，其他扒房無見過同類形器具；3成熟的牛扒在鐵板上，期待著那3秒鐘的烈焰，霎的一刻，身旁的友人看得出身，單是看那數秒的表演已值回票價！要了3成熟，加上火燒一燒，出到來大概變左4成，手上的黑柄鋸斷扒刀，細個到衣家鋸扒都係用緊佢，傳統扒房必備的扒刀。講真牛柳肉味本身就係麻麻，加上紅酒醃一醃，入口酒味比肉味要重，可取既就係佢肉夠嫩，切
兩隻病貓去食扒，諗都唔諗就去波士頓，好簡單，因為只佢未見識過火焰牛柳。
昏暗的燈光，伙計聽完我地落order，然後拔足狂奔，但永無漏單，完全係豉油扒房的一貫作風。要了火焰牛柳套餐（包一客火焰雪糕），自己的要3成熟，友人要唔見血，經理華哥建議佢要8成熟。
一向對「梳打粉」極敏感，近年到豉油扒房亦只會揀波士頓，就是因為佢無化學味，飛鷹、金鳳雖然抵食夾大件，但食完想嘔，無謂慳個少少，而同個胃過唔去。
有人話成舊水件牛柳好貴，講真，行過街市問過下價錢，都知買件靚扒所費不菲，人地小本經營，入貨一定比扒王貴。
後生的侍應熟練的將肉從烤叉拿下，講起這烤叉，無記錯應該係買左專利，其他扒房無見過同類形器具；3成熟的牛扒在鐵板上，期待著那3秒鐘的烈焰，霎的一刻，身旁的友人看得出身，單是看那數秒的表演已值回票價！
要了3成熟，加上火燒一燒，出到來大概變左4成，手上的黑柄鋸斷扒刀，細個到衣家鋸扒都係用緊佢，傳統扒房必備的扒刀。講真牛柳肉味本身就係麻麻，加上紅酒醃一醃，入口酒味比肉味要重，可取既就係佢肉夠嫩，切開一啖入口，外面係必然的「鞋鞋地」，入面沒有多餘的根，肉質亦嫩滑得很，若果去扒王食過百蚊的牛扒，倒不如掏92蚊，食這裡的牛柳好過。
吃到最後，試埋火焰雪糕，友人嗜甜，見賣相對版，自然心花怒放，試過後，佢話外面好似洗潔精的泡，見世色唔對，於是拔開面皮，食入面既雪糕，原來是老朋友，牛奶公司朱古力雪糕，多年無見，食落又是一番滋味．．．．．．
請人食飯請得多，被請而又要幫佢搵埋地方食既都係第一次，anyway當晚真係一個幾難忘既回憶。
張貼
