金鶴拉麵 (和富道) (已結業)

呢間拉麵店在和富中心對面，眼見都頗多街坊來幫襯，心想味道應該唔錯，就去試一試吧！我們點了極濃雞白湯拉麵、黑蒜醬油湯拉麵、日式餃子。一坐下店員就奉上熱茶，還有濕紙巾清潔雙手，很貼心呢！極濃雞白湯拉麵：個賣相好得哦！拉麵上擺滿炸牛蒡，薄薄脆脆的，好味極了！我急不及待試一試極濃雞白湯，不得了！真的超濃超有雞味，入口滑溜，好好飲！最後成碗都比我飲晒啦！配菜也很不賴，雞肉和叉燒各兩片，兩種肉都好嫩好林，入口即溶，無得頂呀！溫泉旦都好好味！拉麵面質係彈牙唔會太林果種，好喜歡的口感！黑蒜醬油湯拉麵：呢碗就無左牛蒡，換成兩塊大紫菜，其他配料一樣。黑蒜醬油湯底味道偏濃，蒜味重，咸味也夠，令拉麵好入味！啱晒重口味之人！日式餃子：外皮炸得酥脆，好味道！大大隻，好飽滿！