216
9
6
港鐵炮台山站 B 出口, 步行約7分鐘
繼續閱讀
營業時間
星期一至日
12:00 - 21:00
公眾假期
12:00 - 21:00
公眾假期前夕
12:00 - 21:00
以上資料只供參考, 請與餐廳確認詳情
招牌菜
食家推介
相關文章
好彩喺佢裝修前食咗一次，北角無乜好食嘅拉麵店，之後想再食佢就已經開始裝修啦🥲🥲見網上都勁推金鶴拉麵嘅極濃雞白湯拉麵，就決定去試下。身為雞白湯控嘅我，一入到去即刻嗌咗碗金鶴雞白湯拉麵($98)，一嚟到，睇落啲湯都幾creamy，食落都ok嘅，但同灣仔系鳥華亭比，濃度都仲係差咁啲。呢碗嘢最特別係配埋炸牛蒡絲，本身我都唔太食，但一邊食炸牛蒡絲邊飲湯食麵又異常地夾同好食，呢樣嘢出面嘅拉麵店就無啦～溏心蛋都唔錯！
繼續閱讀
🍜雞白湯拉麵$98呢個係佢嘅招牌菜 基本上網絡上個個都稱讚飲第一啖湯 好濃郁好杰 杰到有啲似忌廉湯。咁所以相對地 做到好掛湯嘅效果。叉燒同埋慢煮雞肉都幾林，唔鞋。當我繼續食多幾啖面嘅時候 開始覺得個湯底杰得滯 味道係有啲咸 有啲似白汁 但又唔覺得係好香濃嘅雞湯味🙈最出色嘅就係炸牛蒡 口感脆口帶少少甜味👍🏻我自己就未必會再幫襯啦我都唔敢講佢係難食只能夠講係唔啱我嘅口味🤣環境方面正常坐得舒服嘅服務態度都好好👍🏻
繼續閱讀
最近要去北角嗰頭補習🤩🤩放咗之後就去搵下有乜外賣買返去食。結果就搵到呢間高質拉麵店。去到店員就好好服務咁叫我坐陣，環境都好靚，裝潢風格簡約又有日本風味。而當日我叫咗兩客飯，第一款係咖哩吉列豬排炸雞飯，聽個名就知好多肉食🙈啱哂食肉獸✨🤪 炸雞同吉列豬排都新鮮炸起，肉質厚實又充滿肉汁，一個價錢就食到兩種炸物，夠哂抵食。兩者炸漿都唔太重，係食到啖啖肉。調味方面我覺得炸雞做得更出色，雞肉嫩滑又有juicy，夠入味。不過我好欣賞炸雞同吉列豬排都唔會好似坊間咁死鹹，起碼我食完成個飯都唔會話好口渴。第二係低溫慢煮日本雞胸肉飯，聽個名好似好健康同好特別😂😂所以就忍唔住去試。慢煮嘅鷄肉一啲都唔鞋口，我叫咗200g嘅份量，果然鋪滿哂全個飯，仲有一小塊漬物同原隻溏心蛋，好幸福💕💕 鷄肉冇多餘嘅調味，反而食到鷄肉嘅鮮味，如果驚冇乜味，店家亦有提供甜豉油✨，好貼心💕不過我認為就咁食都好好味，飯底係用日本珍珠米，粒粒分明。另外，原來外賣自取係有優惠㗎😘😘😍😍本身已經認為好抵食，點知原來仲有得平✨✨總括而言，我幾鍾意今次呢間店舖嘅兩客日式料理，好似去咗日本嘅小店咁😘值得一去再去！正！
繼續閱讀
今日朋友要OT, 而我哋又想食拉麵🍜 所以我就決定去金鶴拉麵買外賣 同朋友一齊喺公司食 因為我哋食量都唔大所以我哋點左一個一人餐。我哋點左一個雞白湯拉麵🍜 佢嘅外賣好貼心，將雞湯同埋拉麵分開裝，可以防止到我食嘅時候個面已經軟晒嘅狀況👏🏻👏🏻 雞湯好濃郁 佢隻糖心蛋係一流，我超鍾意食 🌟 以佢嘅雞肉都好好食 好嫩滑👍 以佢嘅日式餃子都好好食 咬落去啖啖肉 亦都唔會話煎得好焦 食落去好juicy!哈哈 我最想推介嘅就係佢哋嘅黑椒燒牛舌串💕 佢哋嘅牛舌大大塊 燒得刚刚好肉質唔會太老 好好食呀💗 我哋仲試咗浦燒鰻魚串同燒雞軟骨 我覺得都係好唔錯嘅串燒 兩個人已經好飽啦 不過大家要記得外賣要加$1 等我朋友下次唔使再OT嘅時候再去食過啦💕
繼續閱讀
_____好味指數：🌟🌟🌟🌟抵食指數：🤑🤑🤑🤑係和富中心附近買嘢咁啱見到呢間拉麵店🍜比起傳統嘅豬骨湯佢哋係用咗雞湯做湯底，咁特別梗係要試吓啦！依家仲有二人餐，有兩碗拉麵仲送小食添😋即刻再抵咗✅ 雞白湯拉麵奶白色湯底口感非常creamy，仲散發住濃厚雞肉甜味🐔配料嘅薄切雞胸肉顏色粉嫩，質感嫩滑唔嚡口，有種慢煮嘅感覺♨️旁邊仲有一大束炸牛蒡，非常酥脆香口，配埋拉麵一齊食有截然不同的口感✅辛味拉麵用咗秘製嘅辛辣香料調味，香辛濃郁🌶而拉麵彈牙有嚼勁，吸收埋湯底後味道非常刺激🔥✅唐揚炸雞熱辣辣嘅炸雞外層酥香，咬落去質感軟嫩，肉汁豐富💦旁邊嘅柚子鹽都大有提鮮作用，好食😋✅煎日式餃子外皮非常薄脆，入面啖啖肉🥟重點係無油膩感，煎得非常不錯👍🏻✅明太子雞翼雞翼經過去骨處理，再喺裡面釀入滿滿嘅明太子，雞肉吸收哂明太子嘅鮮味。炸過嘅雞翼外皮焦脆，肉質嫩滑多汁，值得一試
繼續閱讀