武士拉麵 (已結業)

其實已經唔係第一次光顧呢間位於尖沙咀金巴利道尾三角公厠附近嘅拉麵小店，可以話係一試難忘。。。所以前兩晚又要喺尖沙咀揾食，就即刻諗起“武士”小店門面细細襯著個鮮紅色嘅大招牌，門前仲有部電視播住造麵嘅過程做招來，上次就係咁被吸引入内初嘗美味喇^^鋪内有著日本傳統拉麵店嘅佈置精髓，最令人窩心係牆上掛著幾個衣架方便客人掛大褸非常細心，全鋪只有8個坐位排成一行靠著做麵處，簡潔舒服！ 餐牌内每道主打拉麵都有著一個好有氣勢嘅名字，而且亦見有“季節限定拉麵”及“店長特選拉麵”都好吸引！今次點我了“織田將軍拉麵”其實即係傳統嘅鹽味豬骨湯拉麵，再加多隻至愛唐心蛋呢！ 望住前面師父製作過程，話咁快熱辣辣拉麵隨即送上！當我試完頭啖湯之後，就照牆上指引加咗d*武士店長”特選魚油落湯道，果然引起陣陣魚介香味！拉麵麵底好重要，我揀正常粗幼度，硬度剛好唔太淋係我鐘意嘅麵質感覺！厚厚嘅叉燒肥瘦平均實在大滿足！！！仲有我至愛嘅唐心蛋煮得時間剛好又夠入味！yummy^^1店員每次臨走前都好窩心咁問“今次味道ok嗎？”我每次都答“有水準”。。。食物質素值呢個價錢！下次我會進階再試店長特選拉麵呢！