301
49
10
港鐵佐敦站 D 出口, 步行約8分鐘 繼續閱讀
所有分店 (3)
電話號碼
23693211
開飯介紹
武士拉麵的魚介湯底由六款不同類型的魚乾熬製,再加入雞骨及蔬菜等材料煮十多小時而成。製法依足日本本店,味道夠地道。 繼續閱讀
營業時間
今日營業
12:00 - 15:00
18:00 - 22:30
星期一至日
12:00 - 15:00
18:00 - 22:30
付款方式
現金
座位數目
9
其他資料
泊車 詳細介紹
加一服務費
食評 (376)
Happy Friday 前一日收工後,就同朋友一齊去尖沙咀行街,行到入夜。我地本來想出返旺角食晚飯,但朋友又狂話肚餓,於是就係呢頭覓食 😋 尖沙咀真係有好多好吸引既餐廳,我都特登入過黎幾次,為既就係食餐豐富高質既午餐或者晚餐~我地行到去柯士甸路,本身打算食韓國菜🇰🇷,但經過「武士拉麵」既門口,見到有唔少雜誌專欄既美食推介,再加上佢咁特別既店名,我地決定轉戰日本拉麵!😜我地本身真係唔明點解會叫做「武士拉麵」,心諗係咪「冇事」搵事黎搞 🤣 原來係自己才疏學淺,呢到每一道拉麵既名稱,都同日本武士既頭銜掛鉤,隱含日本歷史文化,所以先會衍生出獨特既店名。餐牌係以一本幾頁既小書作為藍本,囊括左各款特色拉麵、小食同飲品,仲有埋精美既插圖添,好照顧到顧客既需要 👍🏼呢張自選拉麵紙好清晰簡潔,先選麵既軟硬度、油既分量、走唔走蔥花同筍等等,有得自由配搭出自家口味 😋每張枱既旁邊都放有調味架、筷子筒、牙籤同小碟。調味架上放滿多款調味料,包括七味粉、豉油同自家製魚油等等,任君選擇。大家可以因應自己既需要同喜好加入適量既調味料,令食物既味道更上一層樓。日式煎餃子(5 隻)$30呢碟餃子係名副其實既皮薄餡靚,餃子既外皮煎得好香脆,而餃子所用既豬肉鮮嫩多汁,非常香口~ 呢到既餃子🥟係即叫即煎,一定新鮮!👍🏻一咬落去,啲肉汁四濺,令人齒頰留香😋店內所用既餃子醬汁不帶酸味,一啲都唔難入口,可以細細品嚐餃子既鮮味 ☺️ 大家食拉麵之餘,都可以試埋佢既小食🍴豐臣將軍拉麵 $98我點左個拉麵師傅推介既豐臣將軍拉麵🍜,呢個拉麵既真身其實係四國香蔥油湯底拉麵。因為本身真好中意蔥蒜既味道,見到咁多蔥油,睇見都垂涎三尺!拉麵比較幼身,口感彈牙。蔥油香氣四溢,每一啖湯汁都散發濃郁既香蔥味,非常美味。呢道拉麵不但賣相吸睛,味道都一流。除左拉麵之外,半熟溏心蛋同埋燒豚肉都好正,下文會有更詳細既介紹~🥚🥓德川將軍拉麵 🍜 $88德川將軍拉麵即係醬油魚介豬骨湯底,呢個係我平時最愛既口味,今次推介俾朋友食~魚介豚骨湯頭好濃郁,真係充滿濃濃既豚肉香味。比起上面既豐臣將軍拉麵,呢個既肉味更濃郁,豚骨湯鮮美滋味 😋 其實兩款拉都都好受大眾歡迎,分別在於一種比較清新芳醇,另一種比較濃郁豐腴,大家可以按自己既喜好選擇不同口味既拉麵~🍜灸燒豚肉份量亦都好足料,兩片厚薄適中既豚肉係真係大過我隻手掌,厚度亦都好合心意🍖😍 由於豚肉係灸燒既過程中,脂肪部分既油分被逼出,所以大大減低左食客入口既油膩感,香滑惹味 😋燒過既豚肉令湯頭帶有濃濃既香烤味道,再加埋溏心蛋、筍同埋其他配料,令到成個拉麵充滿多重味道,我地都好中意呢兩款別緻既拉麵。半熟溏心蛋香軟流心,蛋味香濃,蛋黃尤其出色,不愧係蛋中之王,令人回味無窮🥚🍳「武士拉麵」係一間有誠意既日式拉麵餐廳,佢地一啲都唔馬虎,由店鋪裝潢、菜式到服務,每一樣野都做得好足,令食客有賓至如歸既感覺。☺️ 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-27
61 瀏覽
感覺踏入秋天季節,開始想食啲熱辣辣嘅嘢!行過尖沙咀韓國街,行行下見到呢間拉面小店!就同朋友入黎試一試啦!我就點左呢款豊臣將軍拉麵 (四国香蔥油湯底) 因為我都好鐘意食蔥 感覺比較清香但味道仍然非常濃郁半熟玉子水準不錯,流心蛋黃味道濃香,而且入口感覺順滑。麵條係粗麵,軟硬度適中,掛湯能力強,煙韌而帶彈性!鹽味與豚骨的調和,恰到好處,有鹽份的鹹鮮,但無太鹹的情況,豚骨湯嘅鮮味突出,質感偏厚!而我朋友就點左阪上將軍拉麵因為佢話想食健康啲,揀咗蕃茄豬骨湯底嘅阪上將軍拉麵。湯底有淡淡的蕃茄清香,加上香濃嘅豬骨味,出奇咁夾。粗身拉麵掛湯力強,配埋黑椒半肥瘦叉燒,叉燒的外表被火焰過,可是虛有其表,吃下去沒甚肉香,外強中乾。叉燒除了滷煮過外,還有在上枱前火炙過,變成帶有燒烤的香氣, 同時令脂肪受熱迫出油香,更加吸引。跟朋友快快吃完後 就離開了店內兄有大概10個位 係一間繁忙的小店 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-18
180 瀏覽
入到去充滿了一個日本的感覺,打橫的Bar桌,掛了一支支藍旗佈置,如置身日本街頭小店,Menu還很貼心,有齊中、英、日三種語言。點了似乎是店舖招牌《武士沾麵》即是柚子魚介Wasabi沾麵,店主亦推介選硬麵,可見他是一個有要求的食家,怕破壞了原來的好味道。面質的確很有口感,好有咬口之餘亦好有彈性,沾麵的湯濃郁而不膩,亦能夠掛在麵條上一齊放入口,真的很有水準。叉燒夠大塊。桌上亦提供了店長特製魚油,用來提升魚介的味道,我試了一口,的確很有特色,亦因為本身魚介味道已很濃郁,魚油再加多一個層次,更香更滑的,把味道長留在口腔內,很讚! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-14
165 瀏覽
武士拉麵🍜店舖雖小,但五臟齊全。點解咁講,因為裡面只有傳統拉麵店的吧檯式座位,大約只係14個,不過拉麵款式、湯底都有好幾款,而且又有小食揀。二人行分別食左黑蒜油豬骨湯底及四國香蔥油湯底。黑蒜油豬骨湯底好濃味一上檯就飲啖熱湯,濃濃黑蒜油味之餘,仲有香濃豬骨湯味。豚肉用火槍🔥燒焦過,令到湯底滲透少少香烤味,多一重味道享受之餘麵底軟硬度都做到想要的口感,整體感覺好正宗日式feel!四國香蔥油湯底顧名思義一定有好多蔥,用蔥味撲鼻而來形容完全唔會過分,湯底飲完一啖接一啖另外再叫左份日式煎餃子🥟,味道正常,不過不失。食拉麵配埋日式餃子呢個配搭絕對係無敵,好飽好滿足!湯底好正,食晒啲麵仲飲左好多湯,好飽喇下次拉麵癮發作一定會再試一次。 繼續閱讀
(以上食評乃用戶個人意見 , 並不代表OpenRice之觀點。)
早幾日同事介紹,話佐敦有間隱閉既拉麵店,佢話呢間拉麵店既湯底好正,好重豬骨同木魚味,所以我放工就同男朋友去試啦。 呢間拉面店全部都係單排座位,會直接見到師傅煮野。今日晚上7點左右黎到,一入門口,師傅就好熱情咁歡迎,仲介紹佢地最出名既拉麵,我地叫左2碗拉麵。而店內有枝特製魚油,加係湯底入面,好香魚味。第一碗係真田將軍拉麵,亦姐係豬軟骨拉麵。首先講下個湯底,真係好濃既木魚味。而豬軟骨就師傅一早醃好,非常入味。拉麵就軟硬適中,整體來講是高質的! 另一碗係豐臣將軍拉麵,呢碗拉麵好多蔥粒,配埋個湯底,非常好飲!而叉燒方面,我地見到師傅用左火槍加熱,令到塊肉充滿油香! 另外,我地每人都加左半熟溏心蛋,蛋是對半放在拉麵上面,非常好味,值得推薦比大家!而且都是加$10就有,好抵食。總括來說,呢間隱世既拉麵性價比好高,拉麵既水平比得上 連鎖既店,而且不收加一,在佐敦行開既朋友, 不妨係呢度試下,絕對抵食! 繼續閱讀
(以上食評乃用戶個人意見 , 並不代表OpenRice之觀點。)