更多
2021-07-14
4215 瀏覽
生日最期待之一係文華嘅自助晚餐,今日係介紹「海鮮主食篇🦞」,記得密切期待聽日嘅「甜品篇🍰」~名牌五星級酒店嘅自助餐價錢高,自然期望都高,幸好今次Staycation package大約$3000包海景房、雙人自助早餐同自助晚餐,慳家妹平時一定唔捨得食🙈.講返餐廳先,位於酒店大堂上層⬆️,可以透過中庭望到大堂沙發位,部份較遠座位會貼近商店,最好就坐得近食物枱🦀,今次安排喺甜品自助吧隔離(覺得有原因,遲啲開估)。自助晚餐限時105分鐘,入到餐廳就感受到職員有禮待人嘅態度,服務100分✨!行完一轉自助區,覺得文華自助餐比較側重喺甜品方面,因為單係甜品同雪糕已經有五個甜品櫃,有唔同款式嘅凍熱甜品同朱古力🍫~建議大家如果想食甜品都要早啲拎⚠️!因為去到自助餐後期未必款款都有refill,錯過咗就好似我咁樣含淚而去啦!甜品整體唔算令人失望,某幾款做得唔錯————————————————👅「龍蝦·鮑魚·生蠔」海鮮自助晚餐(成人$748/位)🔸海鮮類:👍🏻埋位坐低會上一份4隻嘅生蠔🦪,同侍應姐姐講就會refill俾你,雖然細細隻同有啲比較飽滿,一開始食都幾鮮甜,食到後面感覺質素無之前好😲,有少許蠔殼,兩個
.
講返餐廳先,位於酒店大堂上層⬆️,可以透過中庭望到大堂沙發位,部份較遠座位會貼近商店,最好就坐得近食物枱🦀,今次安排喺甜品自助吧隔離(覺得有原因,遲啲開估)。自助晚餐限時105分鐘,入到餐廳就感受到職員有禮待人嘅態度,服務100分✨!
行完一轉自助區,覺得文華自助餐比較側重喺甜品方面,因為單係甜品同雪糕已經有五個甜品櫃,有唔同款式嘅凍熱甜品同朱古力🍫~建議大家如果想食甜品都要早啲拎⚠️!因為去到自助餐後期未必款款都有refill,錯過咗就好似我咁樣含淚而去啦!甜品整體唔算令人失望,某幾款做得唔錯
————————————————
👅「龍蝦·鮑魚·生蠔」海鮮自助晚餐(成人$748/位)
🔸海鮮類:
👍🏻埋位坐低會上一份4隻嘅生蠔🦪,同侍應姐姐講就會refill俾你,雖然細細隻同有啲比較飽滿,一開始食都幾鮮甜,食到後面感覺質素無之前好😲,有少許蠔殼,兩個人食返兩打已經好叻喇!
👍🏻鮑魚同翡翠螺幾爽彈😙,凍海鮮都食到甜味,而且清洗去沙幾乾淨,大大隻去好殼嘅蝦仁還可以,勝在一啖一隻夠方便
👎🏻青口一般,三點蟹太麻煩冇食到,反而回本位龍蝦幾令人失望😞,對邊開望落有一隻已經灰灰地色,食落肉質有啲似擦膠咬唔開,龍蝦味流失,龍蝦鉗鮮味好少少,有破開殼方便食用,我哋一人食左兩隻都無再食⋯
👎🏻刺身唔夠肥美同感覺有少少霉,同樣拎左一碟無回頭
🔸燒烤檔:
👍🏻食肉獸天堂🍖!Prime ribs同羊柳嫩紅色好吸引,唔會有過多血水,又可以享受到濃郁肉味,咁啱我拎嗰件牛就多少少肥膏🥩,幾鍾意佢哋加咗香草嘅醬汁,如果加返個牌標明係咩醬汁就更好
🔸熟食類:
👍🏻 XO醬雜菜炒帶子幾惹味🌶,帶子熟度剛好
👍🏻森巴醬炒豆角同樣濃郁重味,豆角乾煸過更加入味有口感
👎🏻專係有一個攤檔放海南雞同油飯,有啲浪費左個位,因為感覺熟食唔夠多選擇😕,放多啲不同菜式會更好。海南雞可能好受歡迎,長期都俾人夾剩晒,好難得夾到一件雞髀肉試一試,尚算嫩滑
👎🏻所有菜式種類嘅熟食只有10幾款,比預期中少,而且熟食分佈得較散,要行多兩轉先知有咩食。熟海鮮同肉類都有啲過火乾身,整體質素較一般,覺得文華嘅自助餐重點唔係放喺熟食類
🔸飲品:
👍🏻包咗餐飲任飲,叫咗熱檸茶同熱奶茶,估唔到係分開檸檬片同茶壺上🫖,仲有一個銀色茶隔隔住茶渣,成件事高級咗又有下午茶feel,幾討我歡心
🔸其他:
麵包、沙律、壽司檔按你唔係自助餐回本位,望落去普通唔算吸引,亦都唔想嘥咗肚嘅容量,所以skip~~
🔸甜品類:
👍🏻男朋友一直講1963文華芝士蛋糕好出名,buffet居然有得任食,一開始係原個圓形蛋糕切件上,之後居然係一件件加藍莓醬🫐,J生話圓形嘅重味啲好食啲,等咗好耐一直冇上返,好可惜無試到😢,不過味道質感符合預期,芝士濃度拿捏得唔錯,食到芝士味又唔會好似咬緊一舊cream cheese咁
👍🏻抹茶/雙重朱古力芝士蛋糕都唔錯,應有嘅抹茶同朱古力味都夠濃郁🍰,上面仲有好靚嘅文華logo朱古力,係好味嘅真朱古力,唔係嗰陣好假好甜嘅假朱古力味
👍🏻檸檬蛋白撻一啖一粒,頂層蛋白霜好輕盈,鍾意食到酸到好爽嘅檸檬味🍋,會瞇埋眼嘅感覺,算係幾解膩嘅甜品
👍🏻斑蘭法式燉蛋有驚喜,Cream Brûlée一直都係my favourite,一開始無為意到係斑蘭味🍃,一食覺得比平時甜膩嘅味道更fresh,焦糖面保持脆度,又係好可惜想食多一個已經冇晒啦!
👍🏻意大利芝士蛋糕用迷你咖啡杯裝☕️,感覺好的骰得意,味道算OK,不過覺得蛋糕吸得太多咖啡淋晒
👍🏻焦糖香草奶油望落就好似焦糖布甸,食落質感係好水潤嘅布甸漿,唔係動L布甸口感🍮,好似食慣咗都係覺得焦糖布甸正啲,不過味道都唔錯嘅
👍🏻如果係朱古力同熟香蕉嘅fans🍌,朱古力香蕉撻應該係你嘅心水,兩種重味道有衝擊感又幾balance
👎🏻綠茶慕絲同冧酒啫喱相對麻麻哋🥃,起碼冇食晒一杯
👎🏻甜品點少得雪糕,不過有少少失望,接近餐廳閂門得返四款口味🍨,雲呢拿同綠茶雪糕好似有少少乳酪嘅酸味,紅莓同杏脯雪葩又酸咗啲,唔係令人食完想再食嘅雪糕,可惜無試到朱古力同焙茶味
————————————————
🚩總結:難忘嘅生日晚餐🌹
————————————————
🌟注意:正價另收加一服務費
————————————————
📍 快船廊
地址:中環干諾道中5號香港文華東方酒店閣樓
.
🗺地區:#bem中環
📥分類:#bem自助餐
💰人均消費:#bem_401至800蚊
張貼