鮨千月 (已結業)

偶爾要獎勵一下自己，先有動力繼續努力工作💪🏻就決定食呢間對住維港景色廚師發辦既日本餐廳，廚師發辦既好處係只需要同師傅講你唔食啲咩就可以了，喺每次有野食既時候都有驚喜，因為你唔會知道exactly既餐單有啲咩食，而且每次上枱既時候係色香味俱全🤩初春 $1080🌟蕃茄沙律🌟首先係好開胃既酸味味既蕃茄沙律，裡面仲有少少昆布😋🌟鰜魚🌟口感好爽口 味道有少少偏咸🌟磯煮鮑魚🌟肉質鮮嫩彈牙🤪🌟薄切鰈魚🌟紫蘇花 配酸汁 上面有柚子汁 可以連埋花碎一齊點汁食，都已經好夠味🌟帶子🌟上面有青檸汁，唔夠味可以點芥辣，係厚切帶子，啖啖肉，正😍🌟新鮮北寄貝🌟點芥辣食就可以了🌟赤貝🌟🌟油甘魚 - 腩位🌟油潤甘甜，味道鮮甜爽甜😍🌟吞拿魚拖羅刺身🌟有好濃郁油脂既味道 好好食😋😍完全無筋位，肉質非常新鮮肥美 同出面食既拖羅係兩回事😱熱食：🌟紅酒煮牛小排🌟肉質相當肥美，口感軟嫩多汁，鐘意脂肪既會好鐘意🤩壽司： 壽司飯都有醃製過🌟石鯛魚🌟上面有梅醬 再加紫蘇葉 🌟魴鮄魚🌟配酸汁 (就咁食) 唔洗配其他醬料肉質較有口感，清甜爽口🌟生蝦壽司🌟配魚子醬 柚子汁 🌟池魚壽司🌟上面加咗新鮮薑絲 就咁食都得🌟北海道海膽壽司🌟味道非常鮮甜