黑木亭居酒屋 (金馬倫道)

原本係沙嗲王，轉咗手試下新野，舖本來就好大，而家日式設計，位置寬敞，走廊空間好夠。set lunch 由78至168不等，我地都不約而同叫咗壽司烏冬餐，QR code 點餐，🌸櫻花嘅茶杯同筷子托感覺優雅。先嚟係烏冬，有別一般定食，無湯嘅，小食有牛蒡同肉，蛋用杯上，好靚。烏冬麵質平平，不過整體賣相非常好，打咭一流。壽司有六件，鼓油之前跟烏冬已經上咗，壽司配上食用花，好用心，唔似一般寫字樓區快餐定食。飯細，魚生大，雖然稱唔上高質，但係抵食😌。