影片
更多
2020-07-11
1029 瀏覽
Keto飲食漸漸喺香港壯大，不過市場上供應呢一類食物嘅食店仲係唔多，朋友介紹呢間漢堡包店提供Keto包，即刻揸車去試，可惜。。。1. 得門口給張高櫈對住個窗口，夏天曬住真係熱到爆。2. 聲稱有Keto包買，但原來數量非常有限，今次係第二次去先至買到。3. 排隊買嘢等咗20幾分鐘終於落到單，叫咗個炸魚拼半份波士頓龍蝦漢堡包，跟住又等半個鐘先整好個包，心諗新鮮製作，等吓都啱嘅，點知臨整好先話原來無晒波士頓龍蝦！大佬呀，落單嗰陣時就應該數吓夠唔夠材料先收錢啦，前後等咗65分鐘呀！一句唔好意思都無，個女仔仲要面黑黑返我轉頭！4. 最後唯有轉Double cheese burger啦，又等過。都唔緊要，最緊要啲嘢好食，點知！個包咬落唔似包，質感似厚實嘅蛋糕，嚿牛肉仲乾過我塊面！5. 炸魚拼龍蝦包轉咗做double cheese burger價值平咗幾蚊，佢哋完全無提過退回差價，我亦都嬲到唔記得問唔係咁做生意架下嘛。。。結論:服務流程混亂唔緊要，始終係新店，假以時日希望會進步，但係做食物如此掉以輕心，好難會有回頭客，再加上員工抱住不秋不睬，你有你等唔關我事嘅態度工作，我想相信生意好難做得好，起碼我
1. 得門口給張高櫈對住個窗口，夏天曬住真係熱到爆。
2. 聲稱有Keto包買，但原來數量非常有限，今次係第二次去先至買到。
3. 排隊買嘢等咗20幾分鐘終於落到單，叫咗個炸魚拼半份波士頓龍蝦漢堡包，跟住又等半個鐘先整好個包，心諗新鮮製作，等吓都啱嘅，點知臨整好先話原來無晒波士頓龍蝦！大佬呀，落單嗰陣時就應該數吓夠唔夠材料先收錢啦，前後等咗65分鐘呀！一句唔好意思都無，個女仔仲要面黑黑返我轉頭！
4. 最後唯有轉Double cheese burger啦，又等過。都唔緊要，最緊要啲嘢好食，點知！個包咬落唔似包，質感似厚實嘅蛋糕，嚿牛肉仲乾過我塊面！
5. 炸魚拼龍蝦包轉咗做double cheese burger價值平咗幾蚊，佢哋完全無提過退回差價，我亦都嬲到唔記得問唔係咁做生意架下嘛。。。
結論:
服務流程混亂唔緊要，始終係新店，假以時日希望會進步，但係做食物如此掉以輕心，好難會有回頭客，再加上員工抱住不秋不睬，你有你等唔關我事嘅態度工作，我想相信生意好難做得好，起碼我應該唔會再幫襯佢！
張貼
