胡同 (已搬遷) 新店位置

我自己本身好鐘意食去過十幾個國家試唔同既野食，個人比較嘴刁！返離香港咁耐，去過好多唔同形式既中菜，站時除左摩地道既鹿嗚春同灣仔福臨門外，好耐無比中菜廳滿足過個口。早幾日我生日，女朋友知我嘴刁，明查暗訪好耐搵到依間野，我初時唔知去邊食飯既！一開始佢帶我去左尖沙咀碼頭上左張保仔號，我以為食海鮮啦！點知唔係，隻船駛左係維港中心係船上飲紅酒，紅酒係免費任飲！嘆夜景一個鐘後。跟住上岸去餐廳，一入到去見到胡同個名已經覺得好熟。食食下因為服務太好回想下米芝連餐廳就念返起胡同。我地食既係12道菜，頭盤係冷盤三道菜，味道平凡但不失風味，不會搶過之後主菜既風頭。其他唔講因為無得挑剔，不過黃金蝦我個人鍾意有殼既！係當主菜既葱炒牛肉落枱時我嚇親我心念米芝連餐廳比咁既主菜我？因為之前既前菜都會有decorator。相反主菜咩都冇一碟炒牛肉咁，但我試完就覺得可以原諒，味道平均。。不太咸不太油，洋蔥用白紅洋蔥一齊炒風味更高，牛肉肉汁多鮮嫩，我食得出牛肉既軟滑係肉既肉質本身軟滑，牛肉應該用左較高級既日本牛或澳洲牛，價錢又唔會太貴，仲生日送甜品。我會想再離試下佢既川菜。